អាមេរិក ៖ ការស្រាវជ្រាវថ្មីមួយ បានបង្ហាញថា ទារកដែលទទួល បានបំបៅ ដោយទឹកដោះម្តាយក្នុងរយៈពេលតែប៉ុន្មានខែ បន្ទាប់ពីចាប់កំណើត ទំនងជាទទួលបានពិន្ទុខ្ពស់ លើការធ្វើតេស្តិ៍ប្រសាទ និងការយល់ដឹង នៅពេលអាយុ ១០ ឆ្នាំនេះបើយោងតាមការចេញផ្សាយពីគេហទំព័រឌៀលីម៉ែល។
អ្នកស្រាវជ្រាវនៅសហរដ្ឋអាមេរិក បានផ្តល់ការធ្វើតេស្តិ៍ការយល់ដឹង ដល់ក្មេងអាយុ ៩ ឆ្នាំ និង ១០ ឆ្នាំដោយម្តាយរបស់ពួកគេ បានរាយការណ៍ថា ពួកគេបានបំបៅកូនដោយទឹកដោះ ហើយប្រៀបធៀបលទ្ធផលរបស់ពួកគេ ទៅនឹងពិន្ទុរបស់កុមារ ដែលមិនបានបំបៅទឹកដោះ ។
ការស្រាវជ្រាវបានបង្ហាញថា បរិមាណនៃការបំបៅកូន ដោយទឹកដោះមា្តយណាមួយមានឥទ្ធិពលវិជ្ជមានទៅលើកុមារ ទោះបីជាទារកបានបំបៅ កូនបានយូរក៏ដោយ ក៏ពិន្ទុរបស់ពួកគេកាន់តែខ្ពស់ ។
លោកវេជ្ជបណ្ឌិត Daniel Adan Lopez ជាស្រាវជ្រាវដំបូង នៃការសិក្សាបាននិយាយថា សង្ឃឹមថា តាមទស្សនៈគោលការណ៍នេះ អាចជួយបង្កើន ការលើកទឹកចិត្តក្នុងការបំបៅកូនដោយទឹកដោះ។ ការស្រាវជ្រាវក្រុមអ្នកស្រាវជ្រាវ មកពីវិទ្យាស្ថាន Del Monte សម្រាប់វិទ្យាសាស្ត្រ ប្រសាទសាស្រ្តនៅ សាកលវិទ្យាល័យវេជ្ជសាស្ត្រ Rochester បានធ្វើការវិភាគលើការធ្វើតេស្តិ៍រាប់ពាន់ ដើម្បីកំណត់ថាតើពិន្ទុរបស់កុមារ អាចត្រូវបានផ្សារ ភ្ជាប់ជាមួយនឹងថា តើពួកគេត្រូវបានបំបៅ កូនដោយទឹកដោះឬអត់ ។
លោកវេជ្ជបណ្ឌិត Lopez បានបន្តថា ការស្រាវជ្រាវរបស់យើង បានបង្ហាញថា បរិមាណ នៃការបំបៅកូនដោយទឹកដោះម្តាយ មានផលប៉ះពាល់ ជាវិជ្ជមាន ទោះបីជាវាទើបតែប៉ុន្មានខែ ក៏ដោយ នោះជាអ្វី គួរឲ្យរំភើបចំពោះលទ្ធផលទាំងនេះ ។ ក្រុមនេះបានពិនិត្យឡើងវិញនូវលទ្ធផល តេស្តិ៍របស់អ្នកចូលរួមជាង ៩.០០០ នាក់ មានអាយុ ៩ ឆ្នាំនិង ១០ ឆ្នាំនៅសហរដ្ឋអាមេរិក ហើយធ្វើការផ្សារភ្ជាប់គ្នាខ្លាំងបំផុតគឺចំពោះកុមារត្រូវបានបំបៅ កូនដោយទឹកដោះលើសពី ១២ ខែ ៕ដោយ៖លី ភីលីព
