ក្បាលថ្មម៉ាប បុរាណត្រូវបានគេរកឃើញ នៅក្រោមជញ្ជាំងទីក្រុង មានអាយុកាល ២០០០ ឆ្នាំ របស់ប្រទេសអ៊ីតាលី ត្រូវបានគេកំណត់ថា ជាអធិរាជដំបូងបង្អស់របស់ចក្រភពរ៉ូម ដោយត្រចៀកដ៏ធំ របស់ព្រះអង្គ និងស្ទីលម៉ូដសក់ លេបកន្ទុយ នេះបើយោង តាមការចេញផ្សាយ ពីគេហទំព័រឌៀលីម៉ែល ។
រូបចម្លាក់ដែលបានបាត់បង់ រាងកាយ និងច្រមុះរបស់ខ្លួនត្រូវបានគេរកឃើញ ខណៈពេលកំពុងជួសជុលជញ្ជាំង ទីក្រុងប្រវត្តិសាស្ត្ររបស់ Isernia ត្រូវបានសាងសង់ឡើង នៅសម័យចក្រភពរ៉ូម៉ាំង ។ វាត្រូវបានគេស្គាល់ថា ជាព្រះអង្គ Augustus ត្រូវជាកូនចិញ្ចឹម របស់ស្តេច Julius Caesar និងអធិរាជដំបូង របស់រ៉ូមដោយលក្ខណៈពិសេស និងទម្រង់មុខប្លែកៗ ។
ការបាក់បែកនេះមិនមែនជារឿង កម្រនោះទេ នៅពេលរូបសំណាកបាក់បែក និងកាក់របស់ Augus tus រាប់សិបត្រូវបានគេរកឃើញ តាំងពីសម័យរ៉ូម៉ាំង។ ប៉ុន្តែក្រុមអ្នកស្រាវជ្រាវនិយាយថា របកគំហើញនេះបង្ហាញពីវត្តមាន របស់រ៉ូមក្នុងអាណានិគមបុរាណ គេស្គាល់នៅពេលនោះថា Aesernia ធ្លាប់មានសារសំខាន់ ខាងយុទ្ធសាស្ត្រថា ជាច្រកចូលទៅកាន់ ប្រទេសអ៊ីតាលី ។
ព្រះអង្គ Augustus តែង តែត្រូវបានគេបង្ហាញថា មនុស្សចូលចិត្តទុកសក់ខ្លីដ៏ស្អាត ហើយទោះបីជាព្រះអង្គរស់នៅដល់អាយុ ៧៦ ឆ្នាំក្នុងនាមជាបុរសម្នាក់ នៅវ័យជំទង់ ឬអាយុ ២០ ឆ្នាំក៏ដោយ។ លោកបានគ្រប់គ្រង ទីក្រុងរ៉ូមពី ២៧ មុនឝ.ស រហូតដល់ការស្លាប់ របស់លោក ១៤ គ.ស ត្រួតពិនិត្យការពង្រីកនៃចក្រភពនេះទៅក្នុងប្រទេសអេហ្ស៊ីប និងផ្នែកផ្សេងទៀតនៃទ្វីបអាហ្រ្វិក ព្រមទំាងការបង្កើត ទាំងកងទ័ពឈរ និងឆ្មាំ Praetorian ។
នៅឆ្នាំ ២៩៥ មុនគ.សរ៉ូមបានគ្រប់គ្រងការត្រួតត្រារបស់ Isernia នៅឆ្ងាយពីពួក Samnites ដែលជាប្រជាជនបុរាណនៅភាគខាងត្បូង និងកណ្តាលប្រទេសអ៊ីតាលី។ គន្លឹះក្នុងការចូលទៅកាន់ទឹកដី នៅសល់ នៃទីក្រុងនេះបានធ្លាក់ចូលទៅក្នុងដៃ របស់ជនជាតិសាមនីក្នុងឆ្នាំ ៩០ មុនគ.សមុនពេលប្រគល់សិទ្ធិអំណាច ដល់ជនជាតិរ៉ូម២ឬ៣ឆ្នាំក្រោយមក ៕ដោយ៖លី ភីលីព
