អង់គ្លេស ៖ ការសិក្សាមួយ បានបង្ហាញថា របបអាហារ លោកខាងលិចដូចជានំបុ័ង ប័រលាប ស្ករសូកូឡាសម្បូរ ទៅដោយជាតិស្ករ និងខ្លាញ់ធ្វើឲ្យ ខូចកោសិកា Paneth ជាកោសិកាភាពស៊ាំ នៅក្នុងពោះវៀនជួយរក្សា ការរលាកនេះបើយោងតាមការចេញផ្សាយ ពីគេហទំព័រឌៀលីម៉ែល ។
អ្នកស្រាវជ្រាវដែលធ្វើការសិក្សា ទាំងមនុស្ស និងសត្វកណ្តុរពិសោធន៍ បាននិយាយថា នៅពេល កោសិកា Paneth ដំណើរការមិនបានល្អ ប្រព័ន្ធភាពស៊ាំពោះវៀន ងាយនឹងរលាក ដែលធ្វើឲ្យមនុស្សប្រឈម នឹងជំងឺរលាកពោះវៀន ។ របបអាហារអាមេរិក និងអង់គ្លេសជាពិសេស គឺមានប្រភពខ្លាញ់ និងស្ករខ្ពស់ ពីអាហាររួមមានប័រលាប នំPastrie សូកូឡា ភីហ្សា ប៊ឺហ្គឺរ និងនំបុ័ងពណ៌ស ។
ការសិក្សាថ្មីនេះ ត្រូវបានធ្វើឡើង ដោយអ្នកស្រាវជ្រាវ នៅសាលាវេជ្ជសាស្ត្រ នៃសាកលវិទ្យាល័យ វ៉ាស៊ីនតោន នៅ St. Louis និងគ្លីនិក Cleveland ។ ជាប្រវត្តិសាស្ត្រ អ្នកស្រាវជ្រាវ នៃការរលាកពោះវៀនធំ បាននិយាយថា ជាបញ្ហាចម្បង នៅបណ្តាប្រទេស លោកខាងលិចដូច ជាសហរដ្ឋអាមេរិក ប៉ុន្តែវាកាន់តែកើតមានជា សកលនៅពេលមនុស្ស កាន់តែច្រើនប្រកាន់ យករបៀបរស់ នៅបែបបស្ចឹមប្រទេស ។
ការស្រាវជ្រាវ របស់យើង បានបង្ហាញថា ការទទួលទាន របបអាហារបែបបស្ចិមប្រទេស ដែលមានជាតិខ្លាញ់ និងស្ករខ្ពស់ ធ្វើឲ្យមុខងារ របស់កោសិកាភាពស៊ាំ នៅក្នុងពោះវៀន មានដំណើរការអាចជំរុញជំងឺរលាកពោះវៀន ឬបង្កើនហានិភ័យ នៃការឆ្លងមេរោគពោះវៀន៕ ដោយ៖លី ភីលីព
