AMSTERDAM៖ អតីតនាយកប្រតិបត្តិ ក្រុមហ៊ុនរត់គេចខ្លួន លោក Carlos Ghosn បានជួបការលំបាក កាលពីថ្ងៃព្រហស្បតិ៍ នៅពេលតុលាការហូឡង់ បានបញ្ជាឲ្យលោកសងប្រាក់ឈ្នួល ចំនួន ៥ លានអឺរ៉ូ (៦.១ លានដុល្លារអាមេរិក) ទៅឲ្យក្រុមហ៊ុន Nissan និង Mitsubishi ក្នុងករណីដែលលោកបាននាំយក យោងតាមការចេញផ្សាយ ពីគេហទំព័រជប៉ុនធូដេ ។
ករណីនេះ ជាការប្រយុទ្ធតាមផ្លូវច្បាប់មួយ ពាក់ព័ន្ធនឹងឥស្សរជនល្បីឈ្មោះមួយ នៅក្នុងឧស្សាហកម្មរថយន្ត ស្ថិតនៅជុំវិញក្រុមហ៊ុន បណ្តាក់ទុនរួមគ្នា បានចុះបញ្ជីជាមួយ ក្រុមហ៊ុន Nissan-Mitsubishi BV (NMBV) ដែលជាកន្លែង ដែលលោក Ghosn ត្រូវបានបណ្តេញចេញ ពីតំណែងជាប្រធាន នៅក្នុងឆ្នាំ ២០១៩ ។
លោក Ghosn បានអះអាងថា ក្រុមហ៊ុនជប៉ុ នបានរំលោភច្បាប់ការងាររ បស់ប្រទេសហូឡង់ នៅពេលពួកគេបណ្តេញលោក ចេញហើយបានទាមទារ សំណងចំនួន ១៥ លានអឺរ៉ូ ចំពោះការខកខានប្រាក់ឈ្នួល និងប្រាក់បំណាច់។ ប៉ុន្តែតុលាការស្រុក នៅទីក្រុង Amsterdam បានគាំទ្រខាងក្រុមហ៊ុនរថយន្ត ដោយបញ្ជាក់ថា Ghosn មិនមានកិច្ចព្រមព្រៀងការងារ ត្រឹមត្រូវជាមួយការបណ្តាក់ទុនរួមគ្នា នោះទេ ព្រោះវាខ្វះការយល់ព្រមចាំបាច់ ពីក្រុមប្រឹក្សារបស់ក្រុមហ៊ុន Nissan និង Mitsubishi ។
ដូច្នេះលោក Ghosn ត្រូវបានគេបញ្ជាឲ្យសងប្រាក់ ៥ លានអឺរ៉ូ ជាប្រាក់សុទ្ធដែលលោក បានទទួលពីការបណ្តាក់ទុនរួមគ្នា មានមូលដ្ឋាននៅទីក្រុង Amsterdam រវាងខែមេសា និងខែវិច្ឆិកា ឆ្នាំ២០១៨ ។ អ្នកនាំពាក្យលោក Ghosn បាននិយាយថា អតីតប្រធានសម្ព័ន្ធមិត្ត Nissan-Mitsubishi-Renault នឹងប្តឹងឧទ្ធរណ៍ ចំពោះសាលក្រមនេះ ដើម្បីឲ្យសក្ខីកម្មរបស់សាក្សី ដែលគាំទ្រករណី របស់លោកអាចត្រូវបានគេស្តាប់។
ទាំងក្រុមហ៊ុន Nissan និង Mitsubishi បាននិយាយថា ពួកគេរីករាយដែលការចោទប្រកាន់ របស់ពួកគេត្រូវបានគាំទ្រ ដោយតុលាការ។ ក្រុមហ៊ុន Nissan បាននិយាយនៅក្នុង សេចក្តីថ្លែងការណ៍មួយថា យើងមានសេចក្តីរីករាយ ដែលតុលាការ បានបណ្តេញការចោទប្រកាន់ គ្មានមូលដ្ឋានរបស់លោក Carlos Ghosn ប្រឆាំងនឹង NMBV និងបានបញ្ជាឲ្យលោក Ghosn សងសំណងសំខាន់ៗ ដែលលោកបានធ្វើដោយខុសច្បាប់៕ ដោយ៖លី ភីលីព
