អាមេរិក ៖ ការសិក្សាមួយបានរកឃើញថា សត្វសេះដែលបាននាំចូល នៅអាមេរិកខាងជើង ដោយអ្នកតាំង លំនៅក្នុងទសវត្សឆ្នាំ១៥០០ គឺជាកូនចៅរបស់អ្នក ដែលបានផុតពូជកាលពី ១១.០០០ ឆ្នាំមុននេះបើយោងតាមការ ចេញផ្សាយពីគេហ ទំព័រឌៀលីម៉ែល។
ការវិភាគឆ្អឹង និងធ្មេញបុរាណបានរកឃើញ DNA ស្រដៀងគ្នា នៅក្នុងសេះ ដែលបានស្លាប់នាចុងបញ្ចប់ នៃអាយុកាលទឹកកកចុងក្រោយ នៅអាមេរិកខាងជើង និងឆ្អឹងនៅអឺរ៉ាសៀ ក្រោយមកត្រូវបាននាំយក ទៅអាមេរិកខាងជើង ដោយជនជាតិអឺរ៉ុប ។
បើយោងតាមអ្នកវិទ្យាសាស្ត្រ មកពីសាកលវិទ្យាល័យកាលីហ្វ័រញ៉ា បានឲ្យដឹងថា នេះជាលទ្ធផល នៃការធ្វើចលនាតាមរយៈ Bering Strait Land Bridge។ លោក Alisa Vershinina ជាអ្នកសិក្សាខាងផ្នែកវិទ្យាសាស្រ្ត ខាងធ្វើការនៅមន្ទីរពិសោធន៍ Paleogenomics របស់ Shapiro នៅ UC Santa Cruz បាននិយាយថា សេះនៅតែបន្តកើតមាន នៅអាមេរិកខាងជើង អស់រយៈពេលជាយូរមកហើយហើយពួកគេ បានកាន់កាប់កន្លែង អេកូឡូស៊ីនៅទីនេះ។
ពួកគេបានស្លាប់អស់ប្រហែល ១១.០០០ ឆ្នាំ មកហើយប៉ុន្តែវាមិនមានពេលវេលា ច្រើនក្នុងការវិវត្តទេ ចំណែកសេះ នៅអាមេរិកខាងជើង ព្រៃបច្ចុប្បន្នអាចត្រូវ បានពិចារណាបង្កើតឡើងវិញ ជាជាងការរាតត្បាត ។ សត្វសេះបានផុតពូជក្នុងស្រុក នៅអាមេរិកខាងជើងក្នុងយុគទឹកកកចុងក្រោយ ហើយត្រូវបានបង្កើតឡើងវិញ ដោយលោក HernánCortés ក្នុងឆ្នាំ ១៥១៩ ។
ប្រវត្តិសាស្រ្តបាន លើកឡើងថា សេះដែលបានឆ្លងកាត់ មហាសមុទ្រអាត្លង់ទិច គឺជាសត្វដែលធ្វើដំណើរការចំណាក់ស្រុក នៅពេលត្រូវបានដោះលែង នៅអាមេរិកខាងជើង ៕ដោយ៖លី ភីលីព
