វ៉ាស៊ីនតោន៖ ក្រុមហ៊ុន Moderna, Inc បានឲ្យដឹងថា វ៉ាក់សាំងបង្កាជំងឺកូវីដ- ១៩ របស់ខ្លួនមានប្រសិទ្ធិភាពចំពោះកុមារ ដែលមានអាយុពី ១២ ទៅ ១៧ ឆ្នាំ នៅក្នុងការសិក្សាថ្មីហើយគ្រោងនឹង ស្នើសុំនិយតករសុខភាពនៅសហរដ្ឋអាមេរិក និងបណ្តាប្រទេសដទៃទៀតនៅដើមខែក្រោយ ដើម្បីពង្រីកការប្រើប្រាស់វ៉ាក់សាំង លើក្រុមមនុស្សដូចខាងលើនេះ។
ក្រុមហ៊ុន Cambridge, Massachusette បានឲ្យដឹងថា វ៉ាក់សាំងនេះបានបង្កើតការឆ្លើយតប របស់ប្រព័ន្ធភាពស៊ាំក្នុងចំណោមកុមារ ដែលអាចប្រៀបធៀបទៅនឹងអ្នក ដែលត្រូវបានគេរកឃើញ នៅក្នុងការសិក្សារបស់មនុស្សពេញវ័យ កាលពីឆ្នាំមុន។
ក្រុមហ៊ុន Moderna បានឲ្យដឹងថា មិនមានករណីនៃរោគសញ្ញាណាមួយកើតឡើង ក្នុងចំនោមអ្នកទទួលវ៉ាក់សាំងនោះទេ ដោយបង្ហាញថាប្រសិទ្ធភាពវ៉ាក់សាំង ១០០ ភាគរយ ចំពោះមនុស្សវ័យជំទង់ ទោះបីជាសរុបមានតិចតួចណាស់ក្នុងចំណោមកុមារ ៣៧០០ នាក់នៅក្នុងការសិក្សាបានធ្លាក់ខ្លួនឈឺក្រោយចាក់វ៉ាក់សាំង។
ផ្អែកលើលទ្ធផលនេះក្រុមហ៊ុន Moderna បានឲ្យដឹងថាខ្លួនគ្រោងនឹងធ្វើនៅដើមខែមិថុនា ដើម្បីស្នើសុំឱ្យនិយ័តករនៅសហរដ្ឋអាមេរិក និងប្រទេសដទៃទៀត អនុញ្ញាតការប្រើប្រាស់វ៉ាក់សាំងរបស់ខ្លួន ចំពោះកុមារដែលមានអាយុពី ១២ ទៅ ១៧ ឆ្នាំ។
រដ្ឋបាលចំណីអាហារ និងឪសថអាមេរិក (FDA) អាចធ្វើការសម្រេចចិត្តក្នុងរយៈពេលប៉ុន្មានសប្តាហ៍នៃការស្នើសុំប្រសិន បើខ្លួនធ្វើតាមកាលវិភាគដូចគ្នា។ ទីភ្នាក់ងារនេះបានចំណាយពេលប្រហែលមួយខែ ដើម្បីលុបចោលសំណើរបស់ Pfizer ក្នុងការប្រើប្រាស់វ៉ាក់សាំងការពារជំងឺកូវីដ- ១៩ របស់ខ្លួនចំពោះមនុស្សវ័យជំទង់៕ ដោយ ឈូក បូរ៉ា
