អេស្ប៉ាញ ៖ គ្រោងឆ្អឹង របស់ក្មេងស្រី អាយុ៥ឆ្នាំម្នាក់ ដែលបានរស់នៅ កាលពី ៧០០ ឆ្នាំមុនត្រូវបានរកឃើញ ជាមួយរូបចម្លាក់តូច មួយស្ថិតនៅក្រោមកម្រាលឥដ្ឋ នៃព្រះបរមរាជវាំង មានអាយុកាលវ័យ ចំណាស់ជាងគេបំផុត នៅអឺរ៉ុបក្នុងប្រទេសអេស្ប៉ាញ នេះបើយោងតាមការចេញផ្សាយ ពីគេហទំព័រឌៀលីម៉ែល ។
អ្នកបុរាណវិទូបាននិយាយថា គ្រោងឆ្អឹងនៅតែមាននៅសតវត្សរ៍ទី ១៣០០ ហើយជាក្មេងស្រី មានសក់ស្អាតដែលទំនងជាអភិជន ។ ពួកគេជឿថា នាងត្រូវបានគេបញ្ចុះ នៅទីតាំងផ្សេង ប៉ុន្តែបានផ្លាស់ទៅកន្លែងមួយ ក្បែរនឹងអាសនៈសំខាន់នៃ Virgen de la Antigua នៅ Seville ក្នុងទសវត្សឆ្នាំ ១៩៣០ ។
មឈូសឈើត្រូវបានគេរកឃើញ ត្រឹមតែ ៨ អ៊ីញនៅក្រោមកម្រាលឥដ្ឋ ក្នុងកំឡុងពេលធ្វើការ ជួសជុល កាលខែមេសា ហើយនេះជាសាកសពដំបូងគេ ត្រូវបានរកឃើញនៅក្នុងវិមាន រាជវាំងចំណាស់ ជាងគេនៅអឺរ៉ុប ។ អ្នកជំនាញខាងបុរាណវិទ្យាបាន រកឃើញគ្រោងឆ្អឹងនេះ ខណៈកំពុងធ្វើការស្ទង់ មើលវិមាន នៅថ្ងៃទី ២០ ខែមេសាមុនការងារ ជួសជុល នៅលើក្បឿងសេរ៉ាមិច ក្នុងរាជវាំងសតវត្សរ៍ទី ១៦ រចនាប័ទ្ម នៃមឈូសឈើ មានប្រវែងប្រហែល ៤ហ្វីត និងជ្រៅមួយហ្វីតបង្ហាញថា វាមានអាយុកាលសតវត្សរ៍ ទី ១៣ ឬ ១៤ ចំណែកនៅខាងក្នុង គឺជាមឈូសឈើ ដែលបាក់បែកមានគ្រោង ពេញលេញ ជាកម្មសិទ្ធិរបស់ក្មេងស្រីវ័យក្មេង។ លោក Juan Manuel Guijo អ្នកជំនាញខាងវិទូរូប វិទ្យាបានប្រាប់ El Pais ថា នាងមានដៃពាក់កណ្តាលបត់ និងឆ្លងកាត់ឆ្អឹងជំនីរបស់នាង ហើយរាងកាយមិនត្រូវ បានធ្វើឲ្យរំខានឡើយ ៕ដោយ៖លី ភីលីព
