ស្កុតឡេន ៖ យោងតាមការស្រាវជ្រាវបានឲ្យដឹងថា ការរក្សាទុកវត្ថុអនុស្សាវរីយ៍ របស់មនុស្សជាទីស្រលាញ់ ប្រហែលជាបានចាប់ផ្តើម កាលពី ២០០០ ឆ្នាំមុន ប៉ុន្តែមនុស្សភាគច្រើន យល់ថា វាមិនអាចទៅរួចទេ ក្នុងការរក្សាទុកទ្រព្យសម្បត្តិ ផ្ទាល់ខ្លួនរបស់មនុស្សជាទីស្រឡាញ់របស់ពួកគេ បន្ទាប់ពីពួកគេបានចែកឋាន ទៅនេះបើយោងតាមការចេញផ្សាយ ពីគេហទំព័រឌៀលីម៉ែល ។
ប៉ុន្តែយោង តាមការសិក្សាថ្មីថា នេះមិនមានអ្វីថ្មីនោះទេ តាមពិតការចងចាំមូស្គូ នៅក្នុងការចងចាំពីកាលបរិច្ឆេទ ដែលបានស្លាប់ទៅយ៉ាងហោចណាស់ មានអាយុកាល ២០០០ ឆ្នាំ។ លោកស្រីវេជ្ជបណ្ឌិត Lindsey Büster អ្នកជំនាញ នៃសាកលវិទ្យាល័យ York បានចង្អុលបង្ហាញពីការរកឃើញបំណែកឆ្អឹង និងបំណែកល្បែង នៅជញ្ជាំងនៃរង្វង់មូលដែកនៅ Broxmouth ក្នុងប្រទេសស្កុតឡេន។
លោកស្រីបានអះអាងថា របស់របរដែលមិនសំខាន់ ត្រូវបានរក្សាទុកដោយមនុស្ស ក្នុងយុគសម័យដែក ជាការរម្លឹកអារម្មណ៍ដល់អ្នកស្លាប់ និងជាការបន្តផ្សារភ្ជាប់ ជាមួយអ្នកស្លាប់ ។ វត្ថុប្រវត្តិសាស្រ្ត បានរកឃើញថ្មីៗមិនតែងតែជាភស្ដុតាង នៃឥរិយាបទខាងសាសនា ឬខាងវិញ្ញាណនោះទេ ប៉ុន្តែវាអាចជាវត្ថុរក្សាទុករាប់រយឆ្នាំទុកជាកេរ្តិ៍ ឈ្មោះដល់អ្នកស្លាប់ ។
លោកស្រីវេជ្ជបណ្ឌិត Büster បានបន្ថែមថា វាជាការសំខាន់ណាស់ ដែលត្រូវស្គាល់ពីថាមពលអារម្មណ៍ ឆៅនៃវត្ថុប្រចាំថ្ងៃអាចទទួលបាននៅពេលវេលា និងទីកន្លែងជាក់លាក់ ។ អ្នកបុរាណវិទ្យាបានផ្តោតការ យកចិត្តទុកដាក់លើតម្លៃសម្ភារៈខ្ពស់ ឬបរិមាណវត្ថុ ដែលបានរកឃើញ ហើយបានបកស្រាយថា វត្ថុទាំងនោះត្រូវបាន តម្កល់ទុកសម្រាប់រក្សា ឬផ្តល់អំណោយដល់ព្រះ ៕ដោយ៖លី ភីលីព
