ម៉ូស្គូ ៖ ក្រសួងការពារជាតិរុស្ស៊ី បានប្រកាសឲ្យដឹងថា ខ្លួនបានសាកល្បង ដោយជោគជ័យ នូវប្រព័ន្ធ S-500 Prometheus របស់ប្រទេស ដែលត្រូវបានបង្កើតឡើង ដើម្បីស្ទាក់ចាប់យន្តហោះ និងមីស៊ីល នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
ក្រសួងបានឲ្យដឹង នៅក្នុងសេចក្តីប្រកាស ព័ត៌មានមួយថា ប្រព័ន្ធការពារមីស៊ីល S-500 ត្រូវបានបាញ់ ចេញពីមូលដ្ឋាន ហ្វឹកហាត់ Kapustin Yar របស់ប្រទេសរុស្ស៊ី និងបានវាយប្រហារ គោលដៅបាញ់ផ្លោង ល្បឿនលឿន បានតាមការគ្រោងទុក ។
សេចក្តីរាយការណ៍បន្ថែមថា ការបាញ់សាកល្បង ដោយផ្ទាល់បានបញ្ជាក់ ពី លក្ខណៈបច្ចេកទេស និងបច្ចេកទេស ក៏ដូចជាភាពជឿជាក់ខ្ពស់ នៃប្រព័ន្ធការពារមីស៊ីល S-500 ដែលជាការអភិវឌ្ឍចុង ក្រោយ របស់ប្រទេសរុស្ស៊ី ។
ប្រព័ន្ធការពារមីស៊ីល S-500 មិនមានលក្ខណៈស្រដៀង នឹងប្រព័ន្ធការពារ ដែលមាននៅលើពិភពលោកនោះទេ ហើយត្រូវបានរចនាឡើង ដើម្បីកម្ចាត់រាល់ការ វាយប្រហារ នៃលំហអាកាស ដែលមានស្រាប់ និងទទួលជោគជ័យលើសត្រូវ ដែលមានសក្តានុពល ក្នុងរយៈកំពស់ និងល្បឿនទាំងមូល ។
ក្រសួងបានឲ្យដឹងទៀតថា បន្ទាប់ពីការធ្វើតេស្តទាំងអស់ ត្រូវបានបញ្ចប់ប្រព័ន្ធ S-500 ដំបូងនឹងត្រូវបញ្ជូន ទៅការបង្កើត ការពារអាកាស និងមីស៊ីលនៅជិតទីក្រុងមូស្គូ ដោយមិនបានបង្ហាញពីពេលវេលា នៃការបញ្ជូន ដែលអាចធ្វើបាននោះទេ៕
ដោយ ឈូក បូរ៉ា
