ហូឡង់ ៖ អ្នកបុរាណវិទ្យា នៅប្រទេសហូឡង់ បានកំណត់ថា កាក់រ៉ូម៉ាំងរាប់សិប កាក់ ត្រូវបានរកឃើញ នៅក្បែរច្រាំង ទន្លេគឺពិតជាថ្លៃបង់ ខាងព្រលឹងវិញ្ញាណ ដែលបន្សល់ទុក ដោយអ្នកដំណើរបុរាណសង្ឃឹមថា នឹងធានាបាននូវការឆ្លងកាត់ទឹក ប្រកបដោយសុវត្ថិភាព នេះបើយោងតាមការចេញផ្សាយ ពីគេហទំព័រ ឌៀលីម៉ែល ។
កាក់ចំនួន ១០៧ កាក់រ៉ូម៉ាំងត្រូវ បានរកឃើញដោយអ្នករកឃើញជាតិ ដែក Nico និង Wim van Schaijk កាលឆ្នាំ ២០១៧ ។ បងប្អូនបានរក ឃើញវត្ថុបុរាណមួយ ចំនួនរួមមាន ប្រាក់ denarii ៤និងសំរិទ្ធ ១០៣ និងពូថនៅតាមដងទន្លេ Berlicum នៅកណ្តាលប្រទេសហូឡង់។ ពួកគេបានបង្ហាញ ពីការរកឃើញ របស់ពួកគេដល់អ្នកប្រវត្តិសាស្រ្ត នៃ សាកលវិទ្យាល័យ Leiden លោកស្រី Liesbeth Claes បានវិលត្រឡប់ មកកន្លែងនោះវិញ ជាមួយមិត្តរួមការងារ របស់នា ងហើយបានរកឃើញកាក់២បន្ថែមទៀត និងប៉ែលលង្ហិនពីខ្សែសេះ មានអាយុកាលចន្លោះពី ១២០ ទៅ ៣០០ នៃគ.ស ។
កាក់ទាំងនោះក៏ងាយស្រួលកំណត់ កាលបរិច្ឆេទផងដែរ ហើយដំបូងបំផុត គឺមកពីសម័យសាធារណរដ្ឋរ៉ូម៉ាំង នៅឆ្នាំ ២៧មុនគ.ស ។ លោកស្រី Claes បាននិយាយនៅក្នុងសេចក្តីថ្លែង ការណ៍មួយថា ប្រាក់ទាំងនេះមិនមែនជាផ្នែកមួយ នៃកំណប់ទ្រព្យ សម្រាប់ការរក្សាសុវត្ថិភាព ឡើយ ។ ពួកគេបានកំណត់ពេល វេលាជាង ២០០ ឆ្នាំ បង្ហាញថា កាក់ត្រូវតែត្រូវ បានដាក់ ដោយមនុស្សផ្សេងគ្នា ក្នុងរយៈពេលវែងជាការផ្តល់ អបិយជំនឿសម្រាប់ការឆ្លង កាត់ដោយសុវត្ថិភាព ៕ ដោយ៖លី ភីលីព
