បរទេស៖កាលពីថ្ងៃអង្គារម្សិលមិញនេះ ប្រទេសរុស្សីបានធ្វើការដាក់តាំងបង្ហាញម៉ូដេល យន្តហោះចម្បាំង Sukhoi ថ្មីមួយដែលរចនាឡើងដើម្បីប្រកួតប្រជែង ទៅនឹងយន្តហោះចម្បាំងអាមេរិក F-35 និងអាចមានសមត្ថភាពវាយប្រហារ ទៅលើទីតាំង៦ បន្តបន្ទាប់គ្នា។
ម៉ូដេលថ្មីដែលត្រូវបានគេដាក់ឈ្មោះថា The Checkmate ហើយយោងតាមរបាយការណ៍ ដែលត្រូវបានដកស្រង់ផងដែរយន្តហោះម៉ូដេលនេះ បានធ្វើឲ្យលោកប្រធានាធិបតីរុស្សី Vladimir Putin រីករាយខ្លាំងណាស់តាំងតែពីមុនពេល ដែលវាត្រូវបានដាក់បង្ហាញជាផ្លូវការ នៅក្នុងពិធីតាំងពិពណ៍ក្នុងទីក្រុងមូស្គូ។
គួរឲ្យដឹងដែរថាម៉ូដេលនេះត្រូវបាន សារព័ត៌មានចេញផ្សាយថាបានចាប់ផ្តើមផលិតកម្មតាំងតែ ពីខែឧសភា ឆ្នាំទៅមកម្ល៉េះ។
កាន់តែអស្ចារ្យជាងនេះ The Checkmate ដែលមានតម្លៃ ២៥ទៅ៣០លានដុល្លារ មួយនេះក៏អាចបំពាក់ជាមួយនឹងយន្តហោះដ្រូន ហើយបាញ់បង្ហោះដ្រូនទាំងនោះ ក្នុងពេលកំពុងធ្វើប្រតិបត្តិការហោះហើរ ផងដែរ៕ ប្រែសម្រួល៖ស៊ុនលី
