វ៉ាស៊ីនតោន ៖ អនុរដ្ឋមន្រ្តីការបរទេស សហរដ្ឋអាមេរិក លោកស្រី Wendy Sherman នឹងធ្វើដំណើរទៅប្រទេសចិន នៅថ្ងៃអាទិត្យខាងមុខនេះ ដើម្បីជួបពិភាក្សា ជាមួយរដ្ឋមន្រ្តីការបរទេសចិន លោក វ៉ាង យី និងអ្នកដទៃទៀតដែលធ្វើឱ្យវាក្លាយ ជាដំណើរទស្សនកិច្ច កម្រិតខ្ពស់បំផុត ដោយមន្រ្តីសហរដ្ឋអាមេរិក ទៅកាន់ប្រទេសចិន ក្នុងរយៈពេលប៉ុន្មានខែមកនេះ ។
ដំណើរទស្សនកិច្ចរយៈពេលពីរថ្ងៃ របស់លោកស្រី Sherman ទៅកាន់ទីក្រុង ធានជីន ដែលជាផ្នែកមួយ នៃដំណើរទស្សនកិច្ចអាស៊ី របស់លោកស្រី ដែលកំពុងបន្ត អាចជាមូលដ្ឋាន សម្រាប់កិច្ចប្រជុំកំពូល ដែលមានសក្តានុពល រវាងប្រធានាធិបតីអាមេរិកលោក ចូ បៃដិន និងប្រធានាធិបតីចិន លោក ស៊ី ជីនពីង ចំពេលមានការប្រជែងគ្នាកាន់តែខ្លាំងឡើងរវាងប្រទេសទាំងពីរ ។ ប្រសិនបើដូចនោះមែន វានឹងជាការប្រជុំផ្ទាល់របស់មេដឹកនាំទាំងពីរ ចាប់តាំងពីលោក បៃដិន បានចូលកាន់តំណែង កាលពីខែមករា។
ក្រសួងបានឲ្យដឹងនៅ ក្នុងសេចក្តីប្រកាសព័ត៌មានថា កិច្ចពិភាក្សា ដែលបានគ្រោងទុក គឺជាផ្នែកមួយនៃកិច្ចខិតខំប្រឹងប្រែង របស់សហរដ្ឋអាមេរិក ដែលកំពុងបន្ត ដើម្បីធ្វើការផ្លាស់ប្តូរគ្នា ដោយត្រង់ជាមួយមន្រ្តីចិន ដើម្បីលើកកម្ពស់ផលប្រយោជន៍ និងគុណតម្លៃ របស់សហរដ្ឋអាមេរិក និងដើម្បីគ្រប់គ្រងទំនាក់ទំនង ប្រកបដោយទំនួលខុសត្រូវ ។
អនុរដ្ឋមន្រ្តីការបរទេសរូបនេះ ក៏នឹងពិភាក្សាផងដែរពីតំបន់ ដែលសហរដ្ឋអាមេរិក មាន “ការព្រួយបារម្ភយ៉ាងខ្លាំង” អំពីសកម្មភាពរបស់ទីក្រុងប៉េកាំង ក៏ដូចជាតំបន់ ដែលអាមេរិក មានផលប្រយោជន៍។
អ្នកនាំពាក្យក្រសួងការបរទេសចិន បានលើក ឡើងថា ដំណើរទស្សនកិច្ចរបស់លោក ស្រី Sherman ត្រូវបានរៀបចំឡើង ដោយផ្អែកលើសំណើ របស់សហរដ្ឋអាមេរិក។
ដំណើរកម្សាន្តរបស់លោកស្រី Sherman សម្រាប់ដំណើរទស្សនកិច្ច នៅអាស៊ីរបស់លោកស្រី ដំបូងឡើយនិយាយតែពីប្រទេសជប៉ុនកូរ៉េខាងត្បូង និងម៉ុងហ្គោលី ប៉ុណ្ណោះ។ ទោះយ៉ាងណាក្រសួងការបរទេស បានបន្ថែម កាលពីថ្ងៃពុធថា លោកស្រី ក៏នឹងធ្វើដំណើរទៅកាន់ប្រទេសអូម៉ង់ផងដែរ បន្ទាប់ពីស្នាក់នៅទីក្រុងធានជីន ប្រទេសចិន ។
អ្នកនាំពាក្យក្រសួងលោក Ned Price បានប្រាប់សន្និសីទសារព័ត៌មានមួយ នៅ ថ្ងៃនោះថា ទីក្រុងវ៉ាស៊ីនតោន បានសម្រេចចិត្តឈានទៅមុខ ដោយមានការចូលរួមកម្រិតខ្ពស់ ជាមួយមន្រ្តីចិន ខណៈដែលខ្លួនរំពឹងថា កិច្ចពិភាក្សានា ពេលខាងមុខមានសក្តានុពល “មានលក្ខណៈជាក់ស្តែង និងមានលក្ខណៈស្ថាបនា” ៕
ដោយ ឈូក បូរ៉ា
