ឡុង ៖ ការសិក្សាថ្មីមួយ បានព្រមានថា សីតុណ្ហភាព ពិភពលោក នឹងក្លាយជាគោលដៅ អាកាសធាតុទ្វេដង របស់អង្គការ សហប្រជាជាតិ ដោយសារពពក នឹងធ្វើឲ្យកម្តៅផែនដី កើនឡើងតាមរយៈការឆ្លុះបញ្ចាំង ពីកាំរស្មីព្រះអាទិត្យតិច និងបង្កើនឥទ្ធិពលផ្ទះកញ្ចក់ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការសង្កេតផ្កាយរណបនៃពពក និងសីតុណ្ហភាព ដែលទាក់ទងនឹងអាកាសធាតុសើម និងខ្យល់នាំឲ្យអ្នកជំនាញ មកពីមហាវិទ្យាល័យ Imperial College London ធ្វើការប៉ាន់ស្មានដ៏អាក្រក់របស់ពួកគេ ។ ក្រុមអ្នកស្រាវជ្រាវនិយាយថា លទ្ធផលមានន័យថា អាកាសធាតុទំនងជាមិនក្តៅដូចគោលដៅ អង្គការសហប្រជាជាតិ ៣,៦ F ដោយ ២១០០ ទេ ហើយទំនងជាកើនឡើង ៥,៤F ជាមធ្យមពិភពលោក ។
ក្រុមអ្នកស្រាវជ្រាវបានព្រមានថា កម្រិតឧស្ម័នកាបូនិក មុនឧស្សាហកម្មមានប្រហែល ២៨០ ផ្នែកក្នុងមួយលាន “ppm” ប៉ុន្តែកម្រិតបច្ចុប្បន្នជិតដល់ ៤២០ ppm ហើយអាចឈានដល់ ទំហំឧស្សាហកម្មមុនទ្វេដង នៅពាក់កណ្តាលសតវត្សរ៍ ប្រសិនបើការកាត់បន្ថយការ បំភាយសំខាន់មិនត្រូវបានធ្វើឡើង ។
ពួកគេបានរកឃើញថា មានឱកាសច្រើន ជាង ៩៧ ភាគរយដែលពពក នឹងធ្វើឲ្យកម្ដៅពិភពលោកកើនឡើង តាមរយៈការឆ្លុះបញ្ចាំងពីកាំរស្មី ព្រះអាទិត្យតិចនិងបង្កើន ឥទ្ធិពល ផ្ទះកញ្ចក់ ។
នេះនឹងបណ្តាលឲ្យមានការប្រមូល ផ្តុំឧស្ម័នកាបូនិក កើនឡើងទ្វេដងសីតុណ្ហភាព កើនឡើង និងនាំឲ្យមានព្រឹត្តិការណ៍ អាកាសធាតុកាន់តែខ្លាំង ដូចជាទឹកជំនន់អគ្គិភ័យ និង រលកកម្តៅ ។ លោកវេជ្ជបណ្ឌិត Paulo Ceppi ជាសហអ្នកនិពន្ធ នៃការសិក្សានេះបាននិយាយថា ភាពប្រែប្រួលអាកាសធាតុ គឺជាការពិបាកមួយដែលត្រូវពិចារណា លើគំរូអាកាសធាតុ ។
លោកពន្យល់ ថា តម្លៃនៃភាពប្រែប្រួល អាកាសធាតុគឺ មិនប្រាកដប្រជាខ្ពស់ទេ ហើយនេះបណ្តាលឲ្យមានភាព មិនប្រាកដប្រជានៅក្នុងការព្យាករណ៍ កំដៅពិភពលោកនា ពេលអនាគត និងនៅក្នុងថវិកាកាបូន ដែលនៅសេសសល់ ។
ថវិកាជាតិកាបូននេះ គឺជាចំនួនទឹកប្រាក់ដែលយើង អាចបញ្ចេញបានមុនពេល ដែលយើងឈាន ដល់គោលដៅ រួមនៃ ២,៧ F ឬ ៣.៦C នៃការឡើងកម្ដៅ ផែនដី នៅត្រឹមឆ្នាំ ២១០០ ដែលបានកំណត់ដោយអង្គការសហប្រជាជាតិ ។ លោកវេជ្ជបណ្ឌិត Ceppi បន្តថា ដូច្នេះមានតម្រូវការចាំបាច់ ដើម្បីកំណត់អោយ បានច្បាស់លាស់ អំពីរបៀបដែលពពក នឹងជះឥទ្ធិពលដល់កម្ដៅផែនដី នាពេលអនាគត” ៕ ដោយ៖លី ភីលីព
