អាល្លឺម៉ង់៖ក្រុមហ៊ុន Mercedes-Benz គឺជាក្រុមហ៊ុនផលិតរថយន្តធំ ចុងក្រោយបង្អស់នៅលើផ្លូវដើម្បីផ្លាស់ប្តូរ រថយន្តប្រើសាំងសម្រាប់ម៉ូដែលអគ្គិសនីទាំងអស់ ប៉ុន្តែព្រមានថាការផ្លាស់ប្តូរបច្ចេកវិទ្យានឹងនាំឲ្យមានការកាត់បន្ថយការងារនេះបើយោងតាម ការចេញផ្សាយពីគេហទំព័រឌៀលីម៉ែល។
Daimler ជាសាជីវកម្មផលិតយានយន្តចម្រុះជាតិពហុឧស្សាហកម្មអាល្លឺម៉ង់ ដែលជាម្ចាស់យីហោនេះបានប្រកាសថា ខ្លួននឹងត្រៀមខ្លួនសម្រាប់ទីផ្សាររថយន្តអគ្គិសនីគ្រប់ប្រភេទនៅឆ្នាំ ២០៣០ ហើយគ្រោងនឹងវិនិយោគជាង ៤៧ ពាន់លានដុល្លារដើម្បីធ្វើឲ្យវាកើតឡើង។ ក្រុមហ៊ុនផលិតរថយន្តប្រណីតរបស់អាឡឺម៉ង់បាននិយាយថា ខ្លួននឹងសហការសាងសង់រោងចក្រអាគុយចំនួន ៨ នៅពេលវាបង្កើនផលិតកម្មអេសហើយចាប់ពីឆ្នាំ ២០២៥ គ្រប់វេទិកាយានយន្តថ្មីទាំងអស់ នឹងផលិតតែរថយន្តអគ្គិសនីប៉ុណ្ណោះ។
ប្រព័ន្ធអគ្គិសនីថ្មីចំនួន ៣ ក៏នឹងត្រូវបានដាក់បង្ហាញផងដែរ មួយសម្រាប់គ្របដណ្តប់ លើរថយន្តដឹកអ្នកដំណើរ និងប្រភេទរថយន្តប្រភេទ SUV មួយសម្រាប់រថយន្ត និងមួយសម្រាប់រថយន្តមានសមត្ថភាពខ្ពស់នៅក្នុងឆ្នាំ ២០២៥ ។ ទោះយ៉ាងណាក៏ដោយការផ្លាស់ប្តូរពីម៉ាស៊ីនចំហេះទៅជាអគ្គិសនី នឹងបណ្តាលឲ្យមានការកាត់បន្ថយការងារ។
លោក Andrea Berg ប្រធានផ្នែកទំនាក់ទំនងសាជីវកម្មនៅក្រុមហ៊ុន Daimler បានប្រាប់ គេហទំព័រឌៀលីម៉ែលតាមអ៊ីម៉ែលថា ការផ្លាស់ប្តូរឆ្ពោះទៅរកការចល័តតាមប្រព័ន្ធអេឡិចត្រូនិច កំពុងផ្លាស់ប្តូររបៀបដែលយើងធ្វើការបណ្តាលឲ្យមានការផ្លាស់ប្តូរ ទម្រង់ការងារជាពិសេសសម្រាប់និយោជិកដែលបច្ចុប្បន្នកំពុងសកម្មក្នុងវិស័យ ចំហេះម៉ាស៊ីន៕ដោយ៖លី ភីលីព
