បរទេស ៖ យោងតាមការបញ្ជាក់ ដោយផ្ទាល់ពីសំណាក់ ប្រធានាធិបតី អាមេរិក Joe Biden ដើម្បីស្វាគមន៍ ក្រុមអ្នកបកប្រែជនជាតិ អាហ្គានីស្ថាន ប្រមាណជាជាង ២០០នាក់ មកដល់ទឹកដីអាមេរិក ដែលភាគច្រើនមានទាំងកុមារ និងទារកតូចៗផងដែរ។
វាត្រូវបានគេដឹងថា ជាជើងហោះហើរដំបូងបំផុត ដើម្បីភៀសខ្លួនក្រុមអ្នកបកប្រែ ជនជាតិអាហ្គានីស្ថាន សម្រាប់យោធាអាមេរិក ចេញពីប្រទេសដែល នៅតែបន្តមាន សង្គ្រាមនៅឡើយ មួយនេះនិងស្វែងរកជីវិតថ្មី នៅក្នុងប្រទេសអាមេរិក។
ជើងហោះហើរ ដែលមានពលរដ្ឋអាហ្គានីស្ថាន សុរប២២១នាក់ ដែលរួមមានទាំងអ្នកបកប្រែ និងក្រុមគ្រួសាររបស់ពួកគេផង កុមារ៥៧នាក់និង ទារក១៥នាក់ នឹងធ្វើដំណើរមកដល់ សហរដ្ឋអាមេរិក ជាមួយនឹងកម្មវិធីទិដ្ឋាការ ពិសេសមួយដោយរដ្ឋាភិបាល អាមេរិកផ្ទាល់។
គួរឲ្យដឹងដែរថា ជើង ហោះហើរនេះ បានធ្វើដំណើរមកដល់ទីក្រុង Dulles រដ្ឋ Virgina នៅពាក់កណ្តាលអធ្រាតថ្ងៃសុក្រ ដោយក្នុងនោះមាន ទាំងការស្វាគមន៍ ជាសេចក្តីថ្លែងការណ៍ ដោយប្រធានាធិបតីអាមេរិកផង ព្រមទាំងរដ្ឋមន្ត្រីក្រសួងការបរទេស និងក្រសួងការពារជាតិផង ៕
ប្រែសម្រួល៖ស៊ុនលី
