អាមេរិក ៖ អង្គការអវកាសណាសា បាននិយាយថា ផ្កាយនៅក្បែរនោះ ដែលមានរាងដូចព្រះអាទិត្យ ត្រូវបាន រកឃើញ ដោយតារាវិទូណាសា ហើយវាអាចបំភ្លឺអំពីរបៀប ដែលជីវិតនៅលើផែនដី បានបង្កើតឡើងដំបូង នេះបើយោងតាមការចេញផ្សាយ ពីគេហទំព័រឌៀលីម៉ែល ។
ផ្កាយ Kappa 1 Ceti មានម៉ាស់ និងសីតុណ្ហភាពប្រហាក់ប្រហែល នឹងព្រះអាទិត្យរបស់យើងមាន ចម្ងាយប្រហែល ៣០ ឆ្នាំពន្លឺ។ ក្រុមមកពីមជ្ឈមណ្ឌល ហោះហើរ អវកាស Goddard របស់អង្គការណាសានៅទីក្រុងGreenbelt រដ្ឋ Maryland បាននិយាយថា វាមានអាយុទើបតែ ៦០០ ទៅ ៧៥០ លាន ឆ្នាំប៉ុណ្ណោះ ។
ព្រះអាទិត្យ ត្រូវបានគេចាត់ទុកថា ជាព្រះអាទិត្យវ័យ កណ្តាល ដែលមានអាយុ ៤.៦ ពាន់លានឆ្នាំ ដូច្នេះការស្វែងរកផ្កាយ ស្រដៀងគ្នា នៅវ័យក្មេង អាចជួយ ស្វែងយល់ពីស្ថានភាព នៅក្នុងប្រព័ន្ធព្រះអាទិត្យដំបូង ។ អង្គការណាសា បាននិយាយ ថា ការងារនេះអនុញ្ញាត ឲ្យអ្នកវិទ្យាសាស្ត្រយល់កាន់ តែច្បាស់អំពីរបៀប ព្រះអាទិត្យ អាចផ្លាស់ប្តូរបរិយាកាស នៃ ភពផែនដីរបស់យើង និងការវិវត្តនៃជីវិតនៅលើផែនដី ។
ផ្នែកមួយនៃការងារពាក់ព័ន្ធ នឹងការសិក្សាអំពីការបណ្តេញ ចេញនូវម៉ូលេគុលកូរ៉ូណា និងខ្យល់ផ្កាយដែលហូរចេញពីផ្កាយវ័យក្មេងដើម្បីមើលថា តើការបណ្តេញ ព្រះអាទិត្យ អាចមានឥទ្ធិពលយ៉ាង ដូចម្តេចមកលើផែនដី ។ វាមិនអាចទៅរួចទេ ដែលត្រឡប់ ទៅរាប់ពាន់លានឆ្នាំ ទៅប្រព័ន្ធព្រះអាទិត្យ ដំបូងវិញហើយមើលថា តើព្រះអាទិត្យ មានលក្ខណៈ ដូចម្តេចនៅពេលដែលជីវិត បានបង្កើតឡើងដំបូងនៅលើភពផែនដី ។
ទោះយ៉ាងណាក៏ដោយមាន ផ្កាយជាង ១០០ ពាន់លាននៅ Milky Way មានផ្កាយមួយក្នុងចំណោមផ្កាយ ១០ ដែលមានទំហំ និងពន្លឺប្រហាក់ប្រហែល នឹងផ្កាយរបស់យើងដែរ។ ផ្កាយទាំងនេះភាគច្រើនស្ថិត នៅក្នុងដំណាក់កាលដំបូង នៃការអភិវឌ្ឍន ។ អ្នកស្រាវជ្រាវ លោកសាស្ត្រាចារ្យ Vladimir Airapetian មកពីអង្គការណាសា បាននិយាយថា ស្រមៃថា ខ្ញុំចង់បង្កើតរូបភាពទារក របស់មនុស្សពេញវ័យ នៅពេលពួកគេមាន អាយុមួយឬពីរឆ្នាំ ហើយរូបភាពទាំងអស់ របស់ពួកគេត្រូវបានលុបចោល ឬបាត់បង់ ៕ដោយ៖លី ភីលីព
