ក្រិច៖រូបភាពពីផ្កាយរណបបង្ហាញថា ផ្សែងហុយចេញពីភ្លើងឆេះព្រៃយ៉ាងខ្លាំង បានលេបត្របាក់កោះធំជាងគេទី ២ របស់ប្រទេសក្រិចកាល ពីថ្ងៃចន្ទដោយសារភ្លើងបានឆាបឆេះផ្ទះ ១០០០ ខ្នង និងផ្ទៃដីកន្លះលានហិចតា ដែលបានឆាបឆេះអស់រយៈពេល ៧ ថ្ងៃជាប់ៗគ្នានេះបើយោងតាមការចេញផ្សាយពី គេហទំព័រឌៀលីម៉ែល។
នេះគឺជាវិសាលភាពនៃការបំផ្លាញ ដែលជាវិធីតែមួយគត់វាអាចចាប់យកបានទាំងស្រុង ពីអវកាសដោយផ្កាយរណបអាកាសធាតុរបស់សហភាពអឺរ៉ុប បានបង្ហាញពីរបៀបដែលភ្លើងបានឆាបឆេះផ្លូវរបស់ពួកគេពីម្ខាងនៃកោះ Evia ទៅម្ខាងទៀត។ ភ្លើង Evia គឺជាភ្លើងមួយក្នុងចំណោមភ្លើងឆេះព្រៃកំពុងឆេះនៅប្រទេសក្រិកនាពេលបច្ចុប្បន្នដែលកំពុងស្ថិតក្រោមគ្រារលកកម្ដៅដ៏អាក្រក់បំផុតក្នុងរយៈពេល ៣០ ឆ្នាំប៉ុន្តែនៅតែរីករាលដាល និងធ្ងន់ធ្ងរបំផុត។
អ្នកស្រុករាប់រយនាក់ត្រូវបង្ខំចិត្តភៀសខ្លួនចេញពីទេសភាពឋាននរក ខណៈភ្នំប្រែទៅជាជញ្ជាំងភ្លើងដែលបានបណ្តែតខ្លួនលើទូក ខណៈផ្សែងហុយពេញអាកាសហើយឧទ្ធម្ភាគចក្រដឹកទឹកបានព័ទ្ធជុំវិញ។ គេហទំព័រព័ត៌មានក្រិច Protothema បានរាយការណ៍ថា នៅលើកោះ Evia មានព្រៃស្ងួតជិតកន្លះលានហិចតា ត្រូវបានភ្លើងឆេះយ៉ាងសន្ធោសន្ធៅ ខណៈផ្ទះយ៉ាងតិច ១.០០០ ខ្នងត្រូវបានដុតបំផ្លាញដល់ដីនៅក្នុងភូមិ Mantoudi ។
លោក George Stamoulos អភិបាលរងក្រុងបាននិយាយថា ក្រុមពន្លត់អគ្គីភ័យត្រូវបានរដ្ឋាភិបាលបោះបង់ចោលដោយមិនអើពើនឹងការអង្វរកររបស់លោកក្នុងការបញ្ជូនយន្តហោះមកជួយពន្លត់ភ្លើង។ វាគឺជាអារម្មណ៍មួយបានបន្លឺឡើងដោយលោក David Angelou ជាអ្នកស្រុកត្រូវជម្លៀសចេញពីទីក្រុង Pefki ដែលនៅជាប់មាត់សមុទ្រដោយសាឡាង ខណៈអណ្តាតភ្លើងបានបិទដោយនិយាយថា យើងត្រូវបានគេបោះបង់ចោលទាំងស្រុង៕ ដោយ៖លី ភីលីព
