ចិន ៖ យោងតាមមេដឹកនាំ បេសកកម្មថា បេសកកម្ម Tianwen 1 Mars របស់ប្រទេសចិន បានបង្កើតទិន្នន័យវិស្វកម្ម និងវិទ្យាសាស្ត្រយ៉ាង ច្រើន ដែលនឹងធ្វើការស្រាវជ្រាវ យ៉ាងទូលំទូលាយ អំពីភពផែនដី និងគាំទ្រដល់ការរុករក នាពេលអនាគតយោងតាមការ ចេញផ្សាយពីគេហទំព័រ ឆៃណាឌៀលី។
លោក Liu Jianjun ប្រធានរចនាប្រព័ន្ធ វិទ្យាសាស្រ្តបេសកកម្ម Tianwen 1បាននិយាយ នៅទីក្រុងប៉េកាំងថា ឧបករណ៍វិទ្យាសាស្ត្រ ចំនួន ១៣ បានតំឡើង នៅលើ គន្លងតារាវិថី Tianwen 1 និងយាន Zhurong បានបង្កើតទិន្នន័យ បឋមជាង ៤២០ ជីហ្គាបៃចាប់ តាំងពីបេសកកម្មនេះ ត្រូវបានដាក់ឱ្យ ដំណើរការ នៅថ្ងៃទី ២៣ ខែកក្កដា ឆ្នាំ ២០២០ ពីមជ្ឈមណ្ឌលបង្ហោះអវកាស Wenchang ក្នុងខេត្តហៃណាន ។
លោក Liu បានបន្តថា Zhurong តែម្នាក់ឯងទទួលបានទិន្នន័យបឋមប្រហែល ១០ ជីកាបៃចាប់តាំងពីវាបានចាប់ផ្តើមធ្វើដំណើរលើផ្ទៃម៉ាទៀននៅថ្ងៃទី ២២ ខែឧសភា។ ទិន្នន័យនេះនឹងជួយជំរុញការសិក្សារបស់អ្នកវិទ្យាសាស្ត្រអំពីភពផែនដី ។ ទិន្នន័យអំពីសណ្ឋានដី របស់ភពអង្គារសមាសធាតុ សម្ភារៈនិងលក្ខណៈម៉ាញ៉េទិចនឹងជួយយើង ស៊ើបអង្កេតលើការ វិវត្តន៍បរិស្ថានរបស់វា ។
យើងបានប្រគល់ភារកិច្ចឲ្យរ៉ូប៉ត ស្ទាបស្ទង់ មើលវាលខ្សាច់ ដែលវាឆ្លងកាត់ ហើយដោយការវិភាគ ទិន្នន័យ អ្នកស្រាវជ្រាវ នឹងអាចដឹងអំពីដើមកំណើត សមាសភាព និងចលនារបស់វាលខ្សាច់ ហើយការរកឃើញរបស់វា នឹងអនុញ្ញាតឲ្យអ្នកវិទ្យាសាស្ត្រស្វែង យល់ពីចំណេះដឹងអំពីអាកាសធាតុ និងការប្រែប្រួលអាកាស ធាតុនៅលើភពផែនដី ។
លោក Sun Zezhou ប្រធានផ្នែករចនានៃការស៊ើបអង្កេត Tianwen 1 បាននិយាយថា Zhurongដំណើរការបានល្អហើយការផលិតថាមពល និងការបញ្ជូនទិន្នន័យរបស់ខ្លួនគឺ“ ពេញចិត្ត” ។ លោកបានបន្តថា អ្នកត្រួតពិនិត្យបេសកកម្មកំពុងរៀបចំផែនការឲ្យZhurong ជាមួយ“ តេស្តិ៍ស្ត្រេស” មួយចំនួនដើម្បីបង្ហាញ ពីសមត្ថភាពអតិបរមា នៃឧបករណ៍របស់ខ្លួន និងប្រមូលបទពិសោធន៍សម្រាប់ ដំណើរផ្សងព្រេងមនុស្សយន្ត នាពេលអនាគតនៅលើភពព្រះអង្គារ និងភពផ្សេងទៀត នៅក្នុងប្រព័ន្ធព្រះអាទិត្យ ៕ដោយ៖លី ភីលីព
