បាងកក ៖ ប្រទេសថៃ មានករណីឆ្លងជំងឺកូវីដ-១៩ សរុបកើនឡើងដល់ជាង ១ លានករណីហើយនៅថ្ងៃសុក្រនេះ ដែល ៩៧ភាគរយ ត្រូវបានកត់ត្រា ក្នុងរយៈពេល ៥ ខែចុងក្រោយនេះ ខណៈដែលប្រទេសនេះកំពុងតស៊ូ ពីការឈរនៅលើកំពូល នៃការផ្ទុះឡើងនៃជំងឺកូវីដ-១៩ ធ្ងន់ធ្ងរបំផុតមួយនៅអាស៊ី ។
អាជ្ញាធរថៃនៅថ្ងៃសុក្រនេះ បានរាយការណ៍ពីការឆ្លងថ្មីចំនួន ១៩,៨៥១ករណី និងមានអ្នកស្លាប់ចំនួន ២៤០ នាក់ ដែលធ្វើឱ្យករណីឆ្លងសរុបមានលើសពី ១ លាននាក់ និងស្លាប់កើនឡើងដល់ ៨,៨២៦ នាក់។
ប្រទេសថៃ បានរក្សាការការពារ មេរោគកូរ៉ូណា បានយ៉ាងល្អ ហើយរីករាយនឹងការរឹតបន្តឹង ផ្នែកសង្គមមួយផ្នែកប៉ុណ្ណោះ ចំពោះជំងឺរាតត្បាតភាគច្រើន រហូតដល់ប្រទេសនេះ ត្រូវបានវាយប្រហារនៅក្នុងខែមេសា ដោយមេរោគក្លាយពូជអាល់ហ្វា បន្ទាប់មកនៅពេលក្រោយទៀត មានមេរោគក្លាយពូជ ឌែលតា នៅពេលដែលមានមនុស្សតិចណាស់ ដែលត្រូវបានចាក់វ៉ាក់សាំង។
នៅក្នុងនោះដែរ មន្រ្តីសុខាភិបាលថៃ បានប្រញាប់ប្រញាល់ រារាំងការផ្គត់ផ្គង់វ៉ាក់សាំង ដោយបានចាក់វ៉ាក់សាំងតែ ៨,៣ ភាគរយនៃប្រជាជនរបស់ខ្លួនជាង ៦៦ លាននាក់។
អាជ្ញាធរថៃ ក៏កំពុងលាយបញ្ចូលគ្នា នូវការចាក់វ៉ាក់សាំង AstraZeneca និង Sinovac ដើម្បីបង្កើនភាពស៊ាំ និងជាដំណោះស្រាយ សម្រាប់បញ្ហាផ្គត់ផ្គង់។
ការដោះស្រាយរបស់រដ្ឋាភិបាល ចំពោះវិបត្តិជំងឺកូវីដ-១៩ រួមទាំងគោលនយោបាយ ចាក់វ៉ាក់សាំងរបស់ខ្លួន បានជំរុញឱ្យមាន ការតវ៉ាប្រឆាំង នាយករដ្ឋមន្រ្តីលោក ប្រាយុទ្ធ ចាន់អូឆា នាពេលថ្មីៗនេះ ដែលបានឈរលើយុទ្ធសាស្ត្ររដ្ឋបាល របស់លោក ៕
ដោយ ឈុក បូរ៉ា
