ESA ៖ ទីភ្នាក់ងារអវកាសអ៊ឺរ៉ុប (ESA) បានស្នើសុំឲ្យមានការអត់ធ្មត់ នៅពេលកំពុងតែឆ្លង កាត់ការស្នើសុំពីអវកាស យានិកជាង ២៣.០០០ នាក់ក្នុងនោះមាន ១.៩៧៩ នាក់មកពីចក្រភពអង់គ្លេស នេះបើយោងតាមការចេញ ផ្សាយពីគេហទំព័រឌៀលីម៉ែល ។
ESA និយាយថា ចំនួនបេក្ខជនលើស ពីការព្យាករណ៍សុទិដ្ឋិនិយមបំផុត របស់ខ្លួនដោយពណ៌នាថា វាជាការបង្ហាញវិជ្ជមាន នៃកម្រិតនៃការចាប់អារម្មណ៍ លើសកម្មភាព អវកាស ។ ទីភ្នាក់ងារនេះកំពុងស្វែងរកអវកាសយានិក ពេញម៉ោងចំនួន ៦ នាក់ និង អ្នកបំម្រុងរហូតដល់ ២០ នាក់ នឹងធ្វើដំណើរទៅ កាន់ស្ថានីយ៍ អវកាសអន្តរជាតិ (ISS) ហើយមួយថ្ងៃទៅដល់ NASA Lunar Gateway ក្នុងគន្លងជុំវិញព្រះច័ន្ទ ។
វាសង្ឃឹមថា នឹងចាប់ផ្តើម ផ្លាស់ប្តូរបេក្ខជនទៅកាន់វគ្គ បន្ទាប់ដោយចំណុចនេះ ប៉ុន្តែវាបានលើករហូតដល់ខែវិច្ឆិកា ដោយសារចំនួនអ្នកដាក់ពាក្យសុំតិច។ ៦ចុងក្រោយនឹង ត្រូវប្រកាសនៅចុងឆ្នាំ ២០២២ ដើម ឆ្នាំ ២០២៣ នៅពេលនោះពួកគេ នឹង ចាប់ផ្តើមការបណ្តុះបណ្តាល របស់ពួកគេជាមួយ ESA សម្រាប់ការធ្វើដំណើរ នាពេលអនាគត ទៅកាន់ISS ឬភពព្រះច័ន្ទ ។
ប្រធានផ្នែកវេជ្ជសាស្ត្រ អវកាសនៃទីភ្នាក់ងារអវកាសអឺរ៉ុប លោក Guillaume Weerts និយាយថា វានឹងចំណាយពេលខ្លះ ដើម្បីដំណើរការ តាមរយៈកម្មវិធីទាំងអស់។ នៅ ESA យើងជឿជាក់យ៉ាងមុតមាំថា រាល់ការដាក់ពាក្យគួរ តែទទួលបានការយកចិត្តទុកដាក់ ដែលវាសមនឹងទទួលបាន ដោយមានចំនួនបេក្ខជន ច្រើនគួរសមវាត្រូវការពេលច្រើនជាងអ្វីដែលបានគិតទុកមុន។
ESA បានបញ្ចប់ដំណាក់ កាលពិនិត្យមុន ហើយដំបូងដែលខ្លួនរកឃើញថា បេក្ខជន ២០ ភាគរយមិនបាន បំពេញ តាមតម្រូវការហើយត្រូវ បានគេប្រាប់ រួចហើយ។ ទោះយ៉ាងណាក៏ដោយនៅសល់ ៨០ ភាគរយ ឬប្រហែល ១៧.០០០ នាក់មានសិទ្ធិពេញលេញ ក្នុងការបំពេញតួនាទីហើយ ដូច្នេះពាក្យសុំរបស់ពួកគេ នៅតែស្ថិតក្រោមការត្រួត ពិនិត្យដោយ ESA ៕ ដោយ៖លី ភីលីព
