សេនហ្វ្រេនស៊ីស្កូ៖ ចៅក្រមសហរដ្ឋអាមេរិកម្នាក់ បានសម្រេចចិត្តយ៉ាងខ្លាំង ពីប្រព័ន្ធបញ្ញាសិប្បនិម្មិត “AI” មិនអាចទទួលបានប៉ាតង់ សម្រាប់ការបង្កើតរបស់ខ្លួន ដោយសម្រេចថា ឯកសិទ្ធិបែបនេះត្រូវបាន បម្រុងទុកសម្រាប់មនុស្សជាតិ យោងតាមការចេញផ្សាយ ពីគេហទំព័រជប៉ុនធូដេ។
ចៅក្រមតុលាការស្រុកលោក Leonie Brinkema បានគាំទ្រការសម្រេចចិត្ត របស់ការិយាល័យប៉ាតង់អាមេរិក ដើម្បីបដិសេធកម្មវិធីដែល បង្កើតឡើងក្នុងនាមជា“ ម៉ាស៊ីនច្នៃប្រឌិត” ដែលមានឈ្មោះថា DABUS ។ លោក Brinkema បានចេញសេចក្តីសម្រេចដោយនិយាយថា ចម្លើយច្បាស់លាស់គឺ“ទេ” ចំពោះសំណួរថា តើម៉ាស៊ីន AI មានលក្ខណៈសម្បត្តិគ្រប់គ្រាន់ ជាអ្នកបង្កើតនៅ ក្រោមច្បាប់ប៉ាតង់ឬអត់។
លោក Brinkema បាននិយាយនៅក្នុង សេចក្តីសម្រេចនេះថា នៅពេលបច្ចេកវិទ្យាវិវត្ត អាចនឹងមានពេលដែលបញ្ញាសិប្បនិម្មិត ឈានដល់កម្រិតនៃភាពទំនើប អាចបំពេញនូវអត្ថន័យនៃ ការច្នៃប្រឌិតប៉ុន្តែពេលវេលានោះ មិនទាន់មកដល់ទេ ហើយប្រសិនបើវាកើតឡើងវា នឹងអាស្រ័យលើសភាដើម្បីសម្រេចថា តើវាចង់ពង្រីកវិសាលភាព នៃច្បាប់ប៉ាតង់យ៉ាងដូចម្តេច។
បើយោងតាមឯកសារតុលាការថា លោក Stephen Thaler បានដាក់ពាក្យសុំប៉ាតង់ជំនួសឲ្យម៉ាស៊ីន DABUS របស់លោកនៅឆ្នាំ ២០១៩ ដើម្បីឲ្យមន្រ្តីប៉ាតង់អាមេរិកសន្និដ្ឋានថា AI មិនមានលក្ខណៈគ្រប់គ្រាន់ពីព្រោះ វាមិនមែនជាបុគ្គលទេ ។ លោក Thaler បាននិយាយនៅក្នុងការឆ្លើយតប ទៅនឹងការស៊ើបអង្កេតរបស់ថា AI បង្កើតឡើងដោយមិនមែនខ្ញុំទេ ដូច្នេះវាមិនត្រឹមត្រូវទេក្នុងការ ដាក់ឈ្មោះខ្លួនឯងថាជាអ្នកបង្កើត។
ការច្នៃប្រឌិតមួយដែល ត្រូវបានគេសន្មតគឺសម្រាប់ ពន្លឺភ្លើងដែលបញ្ចេញពន្លឺ ដើម្បីទាក់ទាញការយកចិត្តទុកដាក់ និងមួយទៀតសម្រាប់ធុងភេសជ្ជៈ ដោយផ្អែកលើធរណីមាត្រប្រភាគ ។ លោក Brinkema បាននិយាយនៅក្នុងសេចក្តីសម្រេចថា ច្បាប់អនុញ្ញាតឲ្យ“ បុគ្គល” កាន់ប៉ាតង់ហើយមនុស្សមិនមែនជា ម៉ាស៊ីនទេគឺស្ថិតនៅក្នុងប្រភេទនោះ ៕
ដោយ៖ លី ភីលីព
