ទីក្រុងឡុងដ៍ ៖ បំណែកផ្លូវ ដែលជាកន្លែង អាចម៍ផ្កាយ Winchcombe ដ៏កម្រធ្លាក់ មកផែនដីមាន តម្លៃ១០០.០០០ ផោននៅ Cotswolds នឹងត្រូវដាក់តាំង បង្ហាញរួម ជាមួយផ្ទាំងថ្ម នៅសារមន្ទីរ ប្រវត្តិសាស្ត្រ ធម្មជាតិទីក្រុងឡុងដ៍ នេះបើយោងតាមការចេញផ្សាយ ពីគេហទំព័រឌៀលីម៉ែល ។
អាចម៍ផ្កាយនេះ បានធ្លាក់មកលើផែនដី ដូចគ្រាប់កាំភ្លើង ដែលអាចមើលឃើញពីទូទាំង ចក្រភពអង់គ្លេស ត្រូវបានគេតាមដាន ដោយកាមេរ៉ាទ្វារនៅទីបំផុត បានចុះចតនៅទីក្រុង Cotswold របស់អាចម៍ផ្កាយ Winchcombe នៃកាលពីខែកុម្ភៈ ។ នេះជាលើកដំបូង ដែលអាចម៍ផ្កាយបានប៉ះ និងត្រូវបានរកឃើញ នៅចក្រភពអង់គ្លេស ក្នុងរយៈពេលជាង ៣០ ឆ្នាំ ដោយផ្នែកខ្លះបានរាលដាលពាសពេញទីក្រុង Gloucestershire រួមទាំងនៅតាមផ្លូវ ។
បំណែកនោះត្រូវបានបរិច្ចាគ ទៅឲ្យសារមន្ទីរប្រវត្តិសាស្ត្រធម្មជាតិ ដែលនិយាយថា វាជាប្រភេទថ្ម អវកាស ប្រភេទ CM2 មិនធម្មតាមាន សារធាតុគីមីសរីរាង្គ។ នាង Hannah Wilcock អាយុ ២៥ ឆ្នាំ និងឳ ពុកម្តាយ របស់នាង Rob និង Cathryn មានការភ្ញាក់ផ្អើលយ៉ាងខ្លាំង នៅពេលដឹងថា ដុំថ្មធ្យូងថ្មនៅលើផ្លូវ របស់ពួកគេនៅ Cotswolds គឺជាអាចម៍ផ្កាយ ដែលមានអាយុកាល ៤.៦ ពាន់លានឆ្នាំ ។
វាបាន បន្សល់ទុក នូវសំណល់មួយ ហើយកម្ទេចកម្ទី ដែលវាបានចុះចតត្រូវបានយកចេញពីផ្លូវ ហើយនឹងត្រូវបង្ហាញនៅសារមន្ទីរ ប្រវត្តិសាស្ត្រធម្មជាតិ នៅទីក្រុងឡុងដ៍ ៕ដោយ៖លី ភីលីព
