អាមេរិក ៖ គំរូឧបករណ៍ហោះលើកដំបូងរបស់ពិភពលោក ត្រូវបានដាក់បង្ហាញ ជាមួយល្បឿនអតិបរមា ៤៨គីឡូម៉ែត្រ ក្នុងមួយម៉ោង ហើយវាអាចទៅដល់លើ មេឃនៅឆ្នាំ ២០២២ នេះបើយោងតាមការ ចេញផ្សាយ ពីគេហទំព័រឌៀលីម៉ែល ។
ឥឡូវនេះបច្ចេកវិទ្យាកំពុងយឺតប៉ុ ន្តែប្រាកដជាក្លាយ ជាការពិតដោយក្រុមហ៊ុនមួយ បានបង្ហាញនូវអ្វី ខ្លួនអះអាងថា ជាគំរូឧបករណ៍ហោះលើកដំបូង របស់ពិភពលោក ។ ក្រុមហ៊ុន អាកាសចរណ៍ Maverick បានបង្កើតឧបករណ៍មួយឈ្មោះថា Maverick Jetpack ដែលខ្លួនអះអាងថា នឹងធ្វើដំណើរក្នុងល្បឿន រហូតដល់ ៤៨គីឡូម៉ែត្រ ក្នុងមួយម៉ោង និងអាចរួចរាល់នៅឆ្នាំ ២០២២ ។
បើយោងតាមក្រុមបានប្រាប់ឲ្យដឹងថា មិនដូចយន្ដហោះមានស្រាប់ ត្រូវការការបណ្តុះបណ្តាលយ៉ាងខ្លាំង ដើម្បីទទួលបានការព្យួរទុកនោះ Maverick Jetpack មានប្រព័ន្ធស្វ័យប្រវតិ្ត ដែលបង្កើតឡើងហើយមានភាពវៃឆ្លាត ក្នុងការត្រួតពិនិត្យ ។ អ្នកអភិវឌ្ឍន៍ ជឿជាក់ថា ឧបករណ៍នេះអាចត្រូវបានប្រើ ដើម្បីចូលទៅក្នុងរចនាសម្ព័ន្ធ ដែលពិបាកចូលប្រើនា ពេលអនាគតរួមទាំង ទួរប៊ីនខ្យល់ និងការដ្ឋានសំណង់ ។
Maverick Jetpack គឺជាគំនិតបង្កើត របស់អ្នកជំនាញខាងគំនូរ ជីវចលហូលីវូដលោក Matt Denton និងមេបញ្ជាការកងនាវាចរជាតិ លោក Antony Quinn ។ លោកQuinn បាននិយាយថា ខ្ញុំបានដឹងថាឧស្សាហកម្មខ្យល់ នៅលើឆ្នេរសមុទ្រ និងនៅនាយ សមុទ្រពិតជាត្រូវការ ដំណោះស្រាយដូចនេះ ។ វិស្វកររបស់ពួកគេឡើងជណ្តើរ នៅខាងក្នុងសំណង់ ទាំងនេះអស់ជាច្រើនម៉ោង ជារៀងរាល់ថ្ងៃ ហើយនៅក្នុងស្ថានភាពគ្រា អាសន្នវាស្ទើរតែមិនអាច ចុះបានយ៉ាងលឿន ។
ឧបករណ៍ហោះអាចមានប្រយោជន៍ សម្រាប់ការត្រួតពិនិត្យ ប៉ុន្តែក្នុងកាលៈទេសៈជាច្រើន អ្នកត្រូវការវិស្វករនៅទីនោះ។ ក្នុងអំឡុងពេលដំណើរទស្សនកិច្ច នៅអាហ្វហ្គានីស្ថាន និងអ៊ីរ៉ាក់ចំនួន ករណីប្រើប្រាស់អាច កើតមាននៅតែបន្តកើនឡើង ហើយខ្ញុំដឹងថា ឱកាសនោះធំប៉ុណ្ណាមានសក្តានុពល ស្ទើរតែគ្មានទីបញ្ចប់ ។
កាលពីមុនមនុស្សធ្លាប់ប្រើ ឧទ្ធម្ភាគចក្រ តម្លៃ ៣០ លានផោន ដើម្បីបំពេញភារកិច្ច សាមញ្ញមួយចំនួនយើងអាចផ្តល់ ជូននូវដំណោះស្រាយដែលសមរម្យជាងនេះ ក្នុងតម្លៃមួយចំណែកតូច ៕ដោយ៖លី ភីលីព
