ចិន ៖ ការសិក្សាពីការបង្ហាញពីហ្វូស៊ីល បានប្រាប់ឲ្យដឹងថា ស្លាប និងកន្ទុយដ៏ គួរឲឲ្យស្រឡាញ់ របស់សត្វបក្សីមួយ ប្រភេទដែលមានរាង ដូចក្ងោករស់ នៅកាលពី ១២០ លានឆ្នាំមុនបានបង្ហាញពីការ ផ្តល់អាទិភាពក្នុងការស្វែង រកមិត្តការហោះហើររួមគ្នា នាសម័យបុរាណ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកស្រាវជ្រាវ នៅប្រទេសចិន និងសហរដ្ឋអាមេរិកបាន រាយការណ៍ពីការរកឃើញសត្វបក្សី Yuanchuavis kompsosoura នៅទីជម្រកបក្សី ដែលមានស្លាបយ៉ាងល្អិតល្អន់ ដែលអាចជួយទាក់ទាញពួកវា បានយ៉ាងស្រួល ។ គ្រោងឆ្អឹងរបស់វា រួមទាំងរោមកន្ទុយត្រូវ បានថែរក្សាយ៉ាងល្អត្រូវបានគេ យកចេញពីកន្លែងតម្កល់ទុក អាយុ ១២០ លានឆ្នាំនៃ Jehol Biota នៅភាគឥសាន ប្រទេសចិន ដគេស្គាល់ថាជា ‘Jurassic Park’ របស់ប្រទេសចិន។
សត្វបក្សី Y. kompsosoura គឺជាបក្សីតូចមួយដែលមានទំហំប៉ុនចៃពណ៌ខៀវ ប៉ុន្តែស្លាប និងកន្ទុយដ៏ល្អិតល្អន់ របស់វាមានប្រវែងជាង១៥០ ភាគរយ នៃរាងកាយរបស់វា ខណៈស្លាប និងកន្ទុយរបស់វាបានជួយ ឲ្យវាស្វែងរកដៃគូ ពួកគេមិនងាយស្រួល ក្នុងការហោះហើរទេ មានន័យថា វាត្រូវចៀសវាងពីបរិយាកាស បើកចំហដោយសារតែហានិភ័យ នៃការមិនអាចហោះហើរឆ្ងាយ ពីសត្វមំសាសី ។
Y. kompsosoura ជាកម្មសិទ្ធិរបស់ក្រុម សត្វផុតពូជមានឈ្មោះថា Enantiornithines ដែលមើលទៅដូចជាបក្សី ទំនើបលើកលែងតែពួកគេមានធ្មេញ និងម្រាមដៃក្រញ៉ាំ នៅលើស្លាបនីមួយៗ ។ Enantiornithines បានបាត់បង់នៃការផុតពូជដ៏ធំដែលបានបំផ្លាញ ជាមួយដាយណូស័រ ប្រហែល ៦៦ លានឆ្នាំមុន ។
អ្នកស្រាវជ្រាវសិក្សា បានដាក់ឈ្មោះប្រភេទសត្វថ្មី នេះដាក់ឈ្មោះវាថា Yuanchuavis តាមឈ្មោះ Yuanchu ជាបក្សីមកពីទេវកថាចិន ។ អ្នកស្រាវជ្រាវ Jingmai O’Connor អ្នកបុរាណវិទូម្នាក់ នៅសារមន្ទីរ Chicago បាននិយាយថា យើងមិន ដែលឃើញការ រួមបញ្ចូលគ្នានៃប្រភេទកន្ទុយផ្សេងគ្នាពីមុន នៅក្នុងបក្សីហ្វូស៊ីលទេ ៕ដោយ៖លី ភីលីព
