ជប៉ុន៖អ្នកវិទ្យាសាស្ត្របានប្រាប់ឲ្យដឹងថា គ្មានមនុស្ស ឬម៉ាស៊ីនណាដែលមានចម្ងាយ ៥១៤៩គីឡូម៉ែត្រនៅក្រោមផ្ទៃផែនដីឡើយ ពីព្រោះជម្រៅសម្ពាធ និងសីតុណ្ហភាពធ្វើឲ្យវាមិនអាចចូលទៅដល់បាន នេះបើយោងតាមការចេញផ្សាយពី គេហទំព័រឌៀលីម៉ែល។
ប៉ុន្តែអ្នកវិទ្យាសាស្ត្របានជឿជាក់ ជាយូរមកហើយថា ស្នូលខាងក្នុងរបស់ភពផែនដីយើង មានភាពរឹងមាំផ្ទុយពីតំបន់លោហៈរាវដែលព័ទ្ធជុំវិញវា។ ឥឡូវនេះវាត្រូវបានចោទសួរដោយការសិក្សាថ្មីមួយ អះអាងថា ម៉ាស់រាងបាល់ ដែលទទួលខុសត្រូវចំពោះដែនម៉ាញេទិករបស់ផែនដីមានទាំងជាតិដែកនិងរឹង។
ការស្រាវជ្រាវត្រូវបានដឹកនាំដោយ Rhett Butler អ្នកភូគព្ភសាស្ត្រនៅសាកលវិទ្យាល័យHawaii បានបង្ហាញថា ស្នូលខាងក្នុងរបស់ផែនដីពិតជាបង្កើតឡើងដោយរចនាសម្ព័ន្ធរាវទន់ និងរឹងដែលប្រែប្រួលតាមកំពូលទាំង២៤១គីឡូម៉ែត្រនៃម៉ាស។ ផ្ទៃខាងក្នុងរបស់ផែនដីមានរាងដូចខ្ទឹមបារាំង ចំណែកស្នូលដែកនីកែលមានចម្ងាយ១១៩៩គីឡូម៉ែត្រឬប្រហែលបីភាគបួននៃទំហំព្រះច័ន្ទហើយត្រូវបានហ៊ុព័ទ្ធដោយស្នូលខាងក្រៅដែលមានជាតិដែករលាយនិងនីកែលមានកម្រាស់ប្រហែល២៤១៤ គីឡូម៉ែត្រ។
ស្នូលខាងក្រៅត្រូវបានហ៊ុព័ទ្ធដោយកម្រាលថ្មដែលមានកម្រាស់២៨៩៦ គីឡូម៉ែត្រហើយគ្របដណ្តប់ ដោយកម្រាលថ្មស្តើង និងត្រជាក់នៅលើផ្ទៃ ដោយសារតែស្នូលខាងក្នុងមិនអាចចូល បានអ្នកស្រាវជ្រាវត្រូវ ពឹងផ្អែកលើមធ្យោបាយតែមួយគត់ អាចរកបានដើម្បីស៊ើបអង្កេតផែនដីនៅខាងក្នុងបំផុតគឺរលករញ្ជួយដី។
លោក Butler បានមានប្រសាសន៍ថា ដោយសារការរញ្ជួយដីនៅក្នុងសម្បក និងស្រទាប់ធំខាងលើហើយ ត្រូវបានសង្កេតឃើញដោយអង្កេតការណ៍រញ្ជួយដីនៅលើផ្ទៃផែនដីរញ្ជួយដី ផ្តល់នូវវិធីផ្ទាល់តែមួយគត់ ដើម្បីធ្វើការស៊ើបអង្កេត ទៅលើផ្នែកខាងក្នុង និងដំណើរការរបស់វា។ រលករញ្ជួយដីធ្វើចលនាឆ្លងកាត់ស្រទាប់ផ្សេងៗ នៃផែនដីល្បឿនរបស់វា ផ្លាស់ប្តូរហើយពួក វាអាចឆ្លុះបញ្ចាំង អាស្រ័យលើរ៉ែសីតុណ្ហភាព និងដង់ស៊ីតេនៃស្រទាប់នោះ។
ដើម្បីស្វែងយល់ឲ្យកាន់តែច្បាស់អំពីលក្ខណៈពិសេស នៃស្នូលខាងក្នុងរបស់ផែនដី Butler និងសហអ្នកនិពន្ធរបស់លោក Seiji Tsuboi អ្នកវិទ្យាសាស្ត្រស្រាវជ្រាវនៅទីភ្នាក់ងារវិទ្យាសាស្ត្រ និងបច្ចេកវិទ្យាសមុទ្រជប៉ុនបានប្រើទិន្នន័យពី ឧបករណ៍រញ្ជួយដីដោយផ្ទាល់ទល់មុខទីតាំងដែលមានការរញ្ជួយដី។ពួកគេបានប្រើកុំព្យូទ័រទំនើបរបស់ផែនដី ដើម្បីធ្វើការវាយតម្លៃចំនួន ៥ គូដើម្បីគ្របដណ្តប់លើតំបន់ស្នូលខាងក្នុងគឺតុងហ្គា និងអាល់ហ្សេរី ឥណ្ឌូនេស៊ី និងប្រេស៊ីល និង៣រវាងឈីលី និងចិន៕ដោយ៖លី ភីលីព
