អង់គ្លេស ៖ អ្នកឃោសនាម្នាក់ បានព្រមានថា បឹង Windermere នៅ Cumbria អាចក្លាយទៅជា អេកូឡូស៊ីងាប់ ក្នុងរយៈពេលពីរបីឆ្នាំ ខាងមុខនេះ ដោយសារតែបរិមាណទឹកស្អុយ ដែលបូមចូលក្នុងទឹក នេះបើយោងតាមការ ចេញផ្សាយពីគេហទំព័រ ឌៀលីម៉ែល ។
លោក Matt Staniek អ្នកអភិរក្សអ្នកតស៊ូមតិ សត្វព្រៃ និងជាអ្នកមកទស្សនា បឹងនេះ បានដាក់ញត្តិតាមអ៊ីនធើណេត អំពាវនាវឲ្យបញ្ចប់ការចោលសំរាម នៅក្នុងទឹក ។ លោកបានអំពាវនាវឲ្យរដ្ឋាភិបាល កំណត់ឈ្មោះ Windermere ចំពោះទន្លេ Rothay និង the Brathay ជាកន្លែងងូតទឹក នឹងបង្ខំឲ្យ ទីភ្នាក់ងារបរិស្ថាន ត្រួតពិនិត្យគុណភាពទឹកជាប្រចាំ និងធានាថា វាស្អាត និងមានសុវត្ថិភាព សម្រាប់ការហែលទឹក ។
អង្គការទឹកស្អាតចក្រភពអង់គ្លេស ដែលជាស្ថាប័នពាណិជ្ជកម្ម ឧស្សាហកម្មទឹកបានអំពាវនាវ សម្រាប់ការបង្កើតតំបន់ស្ថានភាព ងូតទឹកស្អាតព្រោះថា ទន្លេWharfe នៅIlkley បច្ចុប្បន្នជាតំបន់តែមួយគត់ ដែលមានឋានៈនោះ ។ លោក Staniek បាននិយាយនៅក្នុងញត្តិរបស់លោកថា ខ្ញុំមានការខ្ពើមរអើម ដែលដឹងថា ទឹកសាបឆៅត្រូវ បានធ្វើឲ្យហូរចូលទៅក្នុងបឹង Windermere ក្នុងរយៈពេល ១.៧១៩ ម៉ោងក្នុងឆ្នាំ ២០២០ ជាផ្នែកមួយនៃប្រព័ន្ធហូរហៀរ នៅរោងចក្រគ្រប់គ្រងសំរាម Ambleside ។
Algal blooms ត្រូវបានគេប្រទះឃើញ នៅលើផ្ទៃទឹកដែលជាសញ្ញា នៃការធ្លាក់ចុះគុណភាពទឹក ហើយអ្នកធ្វើយុទ្ធនាការ បានរកឃើញភស្តុតាងនៃត្រីងាប់ និងគ្មានឆ្អឹងខ្នងនៅក្នុងទឹក ។ លោក Staniek និយាយថា លោកបានឃើញការ ថយចុះយ៉ាងខ្លាំង នៃបន្លែទឹកសាបផលប៉ះពាល់យ៉ាងសំខាន់ ទៅលើប្រភេទត្រី និង អវត្តមានរបស់ White Clawed Crayfish” ។
ការបំពុលប្រភេទនេះជះឥទ្ធិពលអាក្រក់ ដល់សត្វព្រៃប្រើប្រាស់ផ្លូវទឹក ប្រសិនបើអវត្តមានអាច នាំឲ្យមានការស្លាប់ជាយថា ហេតុនៃទន្លេ។ លោកនិយាយថា យុទ្ធនាការកំណត់ យក ទីក្រុង Windermere ជាកន្លែងងូតទឹកស្អាត គឺជាគោលដៅអាចសម្រេច បានហើយនឹង ក្លាយជាជំហានដំបូង ក្នុងទិសដៅត្រឹមត្រូវ ដើម្បីបញ្ឈប់ការបំពុលទឹក ទាំងស្រុងនៅក្នុង តំបន់បេតិកភណ្ឌពិភពលោក របស់យូណេស្កូ ៕ដោយ៖លី ភីលីព
