ម៉ិកស៊ិក ៖ យោងតាមការ ស្រាវជ្រាវថ្មីមួយ បានឲ្យដឹងថា សត្វខ្លាដំបងកំពុងបង្កការ ពិបាកដល់អ្នកភូមិ នេសាទតូចមួយ នៅប្រទេសម៉ិកស៊ិក ដោយសត្វប្រភេទនេះ ចាប់ផ្តើមស៊ីសត្វឆ្កែ របស់ពួកគេទៀតផង នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការវាយប្រហារកំពុងកើតឡើង កាន់តែខ្លាំងឡើង នៅ Mahahual, Quintana Roo , ម៉ិកស៊ិក ដែលជាភូមិនេសាទ តូចមួយ បានឃើញចំនួន ប្រជាជនរបស់ខ្លួន កើនឡើងក្នុង រយៈពេល ១៥ ឆ្នាំ ចុងក្រោយនេះ ជាកន្លែង ទាក់ទាញភ្ញៀវទេសចរ ។ នៅពេលមនុស្ស កាន់តែច្រើន ចូលទៅក្នុងតំបន់ នៅឆ្ងាយ ពីកណ្តាលភូមិនេះ មានការវាយប្រហារចំនួន ២០ ដង របស់សត្វខ្លាដំបង លើសត្វឆ្កែក្នុងរយៈពេល ៩ ឆ្នាំ ចុងក្រោយនេះដោយ ៦០ ភាគរយនៃពួកគេស្លាប់ ។
៩៥ ភាគរយ នៃការវាយប្រហារដោយសត្វ ត្រូវបានគេស្គាល់ថា ជាឆ្មាដ៏អស្ចារ្យរបស់អាមេរិក បានកើតឡើង នៅពេល យប់ហើយ ៦៥ ភាគរយ នៃពួកគេបានកើតឡើង នៅ រដូវប្រាំងរបស់ប្រទេស ។ សត្វខ្លាដំបងកំពុងវាយប្រហារ សត្វឆ្កែពីខាងក្រោយខាំ ពួកគេនៅក ឬក្បាល ដើម្បីចៀសវាងការ ឈ្លោះប្រកែកគ្នា ។
អ្នកវិទ្យាសាស្ត្រមិនទាន់ច្បាស់ នៅឡើយទេថា ហេតុអ្វីបានជាសត្វខ្លាខ្លាវាយប្រហារ និងសម្លាប់ឆ្កែកាន់តែខ្លាំងឡើងៗ ប៉ុន្តែពួកគេប៉ាន់ស្មានថា វាអាចជាចំនួនប្រជាជន នៃសត្វព្រៃដទៃទៀត កំពុងថយចុះ ។ អ្នកស្រាវជ្រាវបានសរសេរ លើការស្រាវជ្រាវថា ទោះបីជាយើងមិនដឹង ពីសារសំខាន់ នៃសត្វឆ្កែ នៅក្នុងរបបអាហាររបស់ខ្លាដំបង ក៏ដោយ យើងសម្មតិកម្មថា ការប្រើប្រាស់ឆ្កែទាក់ទង ទៅនឹងការថយចុះ នៃសត្វព្រៃធម្មជាតិហើយ ដោយសារតែពួកគេងាយ នឹងចាប់យក ។
ប្រសិនបើមនុស្ស និងសត្វ ក្នុងស្រុកនៅតែបន្តរំលោភបំពាន លើជម្រករបស់សត្វខ្លាដំបង ការចម្លងជំងឺ និងជម្លោះរវាងមនុស្ស និងសត្វអាចនឹងកើនឡើង អាចបណ្តាលឲ្យចំនួន សត្វធ្លាក់ចុះ ។ ការវាយប្រហារត្រូវបានបែងចែករាបស្មើរវាងភាគខាងជើង នៃឆ្នេរសមុទ្រ Mahahual´s និងពាក់កណ្តាលទៀត នៅភាគខាងត្បូង ។
ការវាយប្រហារ នៅ ភាគខាងជើង បានកើតឡើង នៅចន្លោះពី ០ ទៅ ១៨ ម៉ាយល៍ (ពី ០ ទៅ ៣០ គីឡូម៉ែត្រ) ពីភូមិ ខណៈការវាយ ប្រហារ នៅភាគខាងត្បូងបានកើត ឡើងនៅចន្លោះពី ០ ទៅ ៦ ម៉ាយល៍ (០ ទៅ ១០ គីឡូម៉ែត្រ) ៕ដោយ៖លី ភីលីព
