កាណាដា ៖ ការសិក្សាស្រាវជ្រាវរកឃើញថា ការលក់កញ្ឆានៅក្នុងប្រទេសកាណាដា បានកើនឡើងជិត២៥ភាគរយ ក្នុងអំឡុងពេលជំងឺ រាតត្បាត COVID-19 កាលពីឆ្នាំមុន ខណៈការទិញគ្រឿង ស្រវឹងកើនឡើងត្រឹមតែ ៥ភាគរយ នេះបើយោងតាមការចេញ ផ្សាយពីគេហទំព័រឌៀលីម៉ែល ។
អ្នកស្រាវជ្រាវមកពីសាកលវិទ្យាល័យ McMaster ក្នុងទីក្រុង Hamilton រដ្ឋ Ontario ប្រទេសកាណាដា បានប្រមូលទិន្នន័យការ លក់កញ្ឆា និងគ្រឿងស្រវឹង នៅក្នុងទីក្រុងរបស់ពួកគេ ដើម្បីរកមើលថា តើមានការកើនឡើង ទាក់ទងនឹងជំងឺរាតត្បាត ក្នុងការលក់ថ្នាំដែរឬទេ ។
ពួកគេបានរកឃើញថា នៅពេលចាប់ផ្តើម នៃជំងឺរាតត្បាតនេះ ការលក់មានការកើនឡើង ខណៈដែលកញ្ឆា និងស្រាស្តុកទុកជាច្រើន។ ការលក់កញ្ឆាបានកើន ឡើងច្រើនជាងនេះ បើទោះបីជាកើនឡើងជិត ២៥ ភាគរយ ដោយការលក់គ្រឿង ស្រវឹងកើនឡើងតែ ៥ ភាគរយប៉ុណ្ណោះ។ លោកវេជ្ជបណ្ឌិត James MacKillop សហអ្នកស្រាវជ្រាវនៃការសិក្សា និងជានាយកមជ្ឈមណ្ឌល Peter Boris សម្រាប់ការស្រាវជ្រាវការញៀននៅ McMaster បាននិយាយនៅក្នុងសេចក្តីថ្លែងការណ៍មួយថា លទ្ធផលទាំងនេះផ្តល់នូវទស្សនវិស័យជាតិដំបូង មួយស្តីពីការផ្លាស់ប្តូរគ្រឿងស្រវឹង និងការប្រើប្រាស់កញ្ឆា ក្នុងអំឡុងពេលរាតត្បាត ។
ទិន្នន័យលក់ ទាំងនេះ ផ្តល់ឲ្យយើងនូវឱកាសមួយ ដើម្បីគណនាផលប៉ះពាល់ នៃជំងឺរាតត្បាតលើសារធាតុពីរ ក្នុងចំណោមសារធាតុ ដែលប្រើញឹកញាប់បំផុត សម្រាប់ប្រទេសទាំងមូល ។ អ្នកស្រាវជ្រាវ បានចេញផ្សាយការ រកឃើញ របស់ពួកគេនៅ JAMA Network Open បានប្រមូលទិន្នន័យពី ខែវិច្ឆិកា ឆ្នាំ២០១៨ ដល់ខែមិថុនា ឆ្នាំ២០២១ ៕ដោយ៖លី ភីលីព
