គៀវ៖ ទីភ្នាក់ងារព័ត៌មាន Interfax-Ukraine បានរាយការណ៍ ដោយដកស្រង់សម្ដី នាយករដ្ឋមន្ត្រីរបស់ប្រទេសនេះ លោក Denys Shmyhal ថា កងកម្លាំងប្រដាប់អាវុធអ៊ុយក្រែន បានទទួលគ្រឿងសព្វាវុធ និងសម្ភារៈយោធាជាង ៣០០០យូនីត ក្នុងឆ្នាំ២០២១ ។
ថ្លែងនៅសភា លោក Shmyhal បានលើកឡើងថា កាំជ្រួច និងគ្រាប់រំសេវប្រមាណ យូនីត គ្រឿង ព្រមទាំងកាំភ្លើងធំ ៣,៦ លានគ្រាប់ ត្រូវបានផ្គត់ផ្គង់ដល់កងទ័ពអ៊ុយក្រែន តាំងពីដើមឆ្នាំមកម្ល៉េះ។
លោក Shmyhal បានបន្ដថា ក្រៅពីនេះ អ៊ុយក្រែនទទួលបានយានជំនិះគ្មានមនុស្សបើកជាច្រើនគ្រឿង និងទូកល្បាតចំនួនពីរ ដែលជាផ្នែក នៃការគាំទ្រយោធាអន្តរជាតិ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
កាលពីឆ្នាំមុន កងកម្លាំងប្រដាប់អាវុធ និងភ្នាក់ងារអនុវត្តច្បាប់របស់អ៊ុយក្រែន បានទទួលអាវុធ និងឧបករណ៍យោធាដែលផលិតក្នុងស្រុកជាង ៤០០០គ្រឿង ពីក្រុមហ៊ុនការពារជាតិរដ្ឋ Ukroboronprom របស់ប្រទេសនេះ៕ ដោយ ឈូក បូរ៉ា
