អង់គ្លេស ៖ យោងតាមអ្នកជំនាញ បាននិយាយថា Bing Crosby ធ្លាប់ស្រមៃចង់បានបុណ្យណូអែល ពណ៌ស ប៉ុន្តែចក្រភពអង់គ្លេស ប្រហែលជាមិន ដែលឃើញទេសភាពព្រិលត្រឹមត្រូវនៅថ្ងៃទី ២៥ ខែធ្នូទៀតទេនេះបើយោងតាមការចេញ ផ្សាយពីគេហទំព័រឌៀលីម៉ែល ។
Met Office បាននិយាយថា ឈុតឆាក ‘Dickensian’ នៃព្រិលធ្លាក់ពេញដី នៅថ្ងៃបុណ្យណូអែល អាចត្រូវបានបញ្ជូន ទៅប្រវត្តិសាស្ត្រអង់គ្លេស ដោយសារការប្រែប្រួលអាកាសធាតុ ។ វាបានប្រាប់ MailOnlineឲ្យដឹងថា វាមិនអាចទៅរួចទេ ដែលភួយព្រិលដ៏សប្បុរស នឹងគ្របដណ្តប់លើដី របស់ចក្រភពអង់គ្លេសក្នុង ឱកាសបុណ្យណូអែលម្តងទៀត នៅពេលអនាគត ។
ប៉ុន្តែឥទ្ធិពល នៃការប្រែប្រួល អាកាសធាតុមានន័យថា លក្ខខណ្ឌតម្រូវសម្រាប់ព្រិលនៅចក្រភពអង់គ្លេស នឹងកើតឡើងតិចជាញឹកញាប់ ហើយឱកាស អាចបន្តកាន់តែតិចទៅៗ នៅពេលសតវត្សរ៍នេះរីកចម្រើន ។ ការបំភាយឧស្ម័នផ្ទះកញ្ចក់បាននាំមកនូវសីតុណ្ហភាព ជាមធ្យមខ្ពស់នៅលើដី និងសមុទ្រ ហើយនេះរារាំងគ្រីស្តាល់ទឹកកកតូចៗ ពីការបង្កើតឡើងនៅក្នុងពពក មុនពេលធ្លាក់ដូចព្រិល ៕ ដោយ៖លី ភីលីព
