កាណាដា ៖ យោងតាមការចេញផ្សាយពីគេហទំព័រ ស្គាយញ៉ូវ បានប្រាប់ឲ្យដឹងថា អ្នកដឹកនាំ និងផលិតករ លោក Jean-Marc Vallée ដែលបានឈ្នះពានរង្វាន់ Emmy សម្រាប់ដឹកនាំរឿងភាគ HBO Big Little Lies ហើយខ្សែភាពយន្តឆ្នាំ ២0១៣ របស់ Dallas Buyers Club ឈ្នះពានរង្វាន់ Oscar ជាច្រើនបានទទួល មរណភាពក្នុងអាយុ ៥៨ ឆ្នាំ ។
អ្នកតំណាងរបស់លោកឈ្មោះ Bumble Ward បាននិយាយថា លោក Vallée បានស្លាប់ភ្លាមៗនៅក្នុងផ្ទះលំហការ របស់លោក នៅខាងក្រៅទីក្រុង Quebec ប្រទេសកាណាដាកាលពីចុងសប្តាហ៍ ។ អ្នកដឹកនាំរឿងត្រូវបានសាទរ ចំពោះវិធីសាស្រ្តជាក់ស្តែង របស់លោកក្នុងការផលិត ខ្សែភាពយន្ត និងធ្វើការជាមួយតួសម្តែងរួមមាន Reese Witherspoon, Nicole Kidman, Amy Adams និង Jake Gyllenhaal ។
កាលឆ្នាំ ២00៩ លោកបានដឹកនាំរឿង The Young Victoria ជាមួយ Emily Blunt ប៉ុន្តែបានក្លាយជាឈ្មោះដែលគេស្វែង រកនៅហូលីវូដសម្រាប់ Dallas Buyers Club មាន Matthew McConaughey និង Jared Leto ។ខ្សែភាពយន្តនេះគឺនិយាយអំពីបុរសគង្វាលគោ Rodeo ត្រូវបានធ្វើរោគវិនិច្ឆ័យថា មានផ្ទុកមេរោគអេដស៍ និងបានរកឃើញថ្នាំហាមឃាត់ ដែលអាចជួយអ្នកជំងឺឲ្យរស់បានយូរ ៕ដោយ៖លី ភីលីព
