CAPE CANAVERAL ៖ យោង តាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា តេឡេស្កុបអវកាសដ៏ធំបំផុត និងមានឥទ្ធិពលបំផុត របស់ពិភពលោក បានទៅដល់គោលដៅចុងក្រោយ របស់វាចម្ងាយ១លានម៉ាយ ពីផែនដីកាលពីពេលថ្មីនេះ ប្រើពេលអស់មួយខែបន្ទាប់ ពីវាបានហោះចេញពីដំណើរស្វែង រកដើម្បីមើលថ្ងៃរះ នៃសកលលោក ។
តាមបញ្ជាតេឡេស្កុបអវកាស James Webb បានបាញ់គ្រាប់រ៉ុក្កែត របស់ខ្លួន អស់រយៈពេលជិត៥នាទី ដើម្បីចូលទៅក្នុងគន្លងជុំវិញ ព្រះអាទិត្យនៅកន្លែង ដែលបានកំណត់របស់វា ហើយណាសា បានបញ្ជាក់ថា ប្រតិបត្តិការ បានប្រព្រឹត្តទៅតាមការគ្រោងទុក ។ កញ្ចក់នៅលើឧបករណ៍សង្កេតតម្លៃ ១០ ពាន់លានដុល្លារនៅតែត្រូវតម្រឹម យ៉ាងល្អិតល្អន់ ហើយឧបករណ៍ចាប់សញ្ញាអ៊ីនហ្វ្រារ៉េដ បានត្រជាក់គ្រប់គ្រាន់ មុនពេលការអង្កេតវិទ្យាសាស្ត្រ អាចចាប់ផ្តើមនៅក្នុងខែមិថុនា ។
ប៉ុន្តែអ្នកគ្រប់គ្រងជើងហោះហើរនៅទីក្រុង Baltimore សប្បាយចិត្តបន្ទាប់ពីទទួលបានជោគជ័យមួយទៀត ។ លោក Bill Nelson អ្នកគ្រប់គ្រងណាសាបាន និយាយក្នុងសេចក្តីថ្លែងការណ៍មួយថា យើងកាន់តែខិតទៅជិតមួយជំហានទៀត ក្នុងការស្វែងយល់ ពីអាថ៌កំបាំង នៃសាកលលោក ហើយខ្ញុំមិនអាចរង់ចាំមើលទិដ្ឋភាពថ្មី ដំបូងរបស់ Webb អំពីសកលលោក នៅរដូវក្តៅនេះទេ ។
តេឡេស្កុបនឹងអាចឲ្យតារាវិទូអាចពិនិត្យ មើលពេលវេលាកាន់តែឆ្ងាយ ជាងពេលណាៗ ទាំងអស់ ត្រឡប់ទៅពេលដែលផ្កាយ និងកាឡាក់ស៊ីដំបូង បានបង្កើតឡើងកាលពី ១៣.៧ ពាន់លានឆ្នាំមុន ។ នោះគ្រាន់តែជា ១០០ លានឆ្នាំពី Big Bang នៅពេលសកលលោកត្រូវ បានបង្កើតឡើង ។ ក្រៅពីធ្វើការសង្កេតមើលផ្កាយ Webb នឹងស្កែនបរិយាកាស នៃពិភពក្រៅភពដើម្បីរកសញ្ញានៃជីវិត៕ ដោយ៖លី ភីលីព
