ញូវយ៉ក៖ ភាគហ៊ុនរបស់ក្រុមហ៊ុនមេរបស់ Facebook គឺMeta ស្ថិតក្នុងពាក់កណ្តាលនៃ ថ្ងៃដ៏អាក្រក់បំផុតរបស់ ពួកគេមិនធ្លាប់មាន បន្ទាប់ពីក្រុមហ៊ុនបណ្តាញ ទំនាក់ទំនងសង្គមយក្ស បានរាយការណ៍ពីការធ្លាក់ចុះ នៃប្រាក់ចំណេញដ៏កម្រ ដោយសារតែការកើនឡើងយ៉ាងខ្លាំង នៃការចំណាយ ខណៈវាវិនិយោគយ៉ាងច្រើន នៃការផ្លាស់ប្តូររបស់ខ្លួនទៅជាក្រុមហ៊ុន ដែលផ្អែកលើការពិតនិម្មិត យោងតាមការចេញផ្សាយ ពីគេហទំព័រជប៉ុនធូដេ។
ភាគហ៊ុនរបស់ក្រុមហ៊ុន Meta បានធ្លាក់ចុះច្រើនជាង ២៣ភាគរយមកនៅត្រឹម ២៤៦.៧៦ដុល្លារ នៃការជួញដូរដំបូងកាលពីថ្ងៃព្រហស្បតិ៍ ដោយបានធ្លាក់ចុះច្រើនជាង ២១៥ដុល្លារពាន់លានដុល្លារ នៃតម្លៃសរុបរបស់ក្រុមហ៊ុន ត្រូវបានគេស្គាល់ថា ជាមូលធនប័ត្រទីផ្សាររបស់ខ្លួន។ ការធ្លាក់ចុះនឹងក្លាយជាចំនួនដ៏ធំបំផុត មិនធ្លាប់មានសម្រាប់ក្រុមហ៊ុនក្នុងមួយថ្ងៃ។ មូលធនប័ត្រទីផ្សាររបស់ Facebook បានធ្លាក់ចុះ ១២0 ពាន់លានដុល្លារកាលពីថ្ងៃទី ២៦ ខែកក្កដា ឆ្នាំ ២0១៨។
ក្រុមហ៊ុន មានមូលដ្ឋាននៅ Menlo Park រដ្ឋកាលីហ្វ័រញ៉ាបាននិយាយថា ប្រាក់ចំណេញបានធ្លាក់ចុះ ៨ភាគរយមកត្រឹម ១0.២៩ ពាន់លានដុល្លារក្នុងរយៈពេល ៣ខែចុងក្រោយនៃឆ្នាំ ២0២១ ហើយប្រាក់ចំណូលបានកើនឡើងដល់ ២0ភាគរយដល់ ៣៣.៦៧ ពាន់លានដុល្លារ។ ការធ្លាក់ចុះនេះអាចទាក់ទងមួយ ផ្នែកទៅនឹងការចំណាយរបស់ Meta លើផ្នែក Reality Labs របស់វា រួមមានកាសស្តាប់ការពិតនិម្មិត និងបច្ចេកវិទ្យា augmented reality ។ Meta បានវិនិយោគច្រើនជាង ១0ពាន់លានដុល្លារ នៃផ្នែកនេះកាលឆ្នាំ ២0២១។
លើសពីនេះ ការផ្លាស់ប្តូរឯកជនភាពថ្មីៗដោយ Apple ធ្វើឲ្យក្រុមហ៊ុនដូចជា Meta ពិបាកតាមដានមនុស្សសម្រាប់ គោលបំណងផ្សាយពាណិជ្ជកម្ម ដាក់សម្ពាធលើប្រាក់ចំណូល របស់ក្រុមហ៊ុនផងដែរ។ ការសន្ទនាតាមទូរស័ព្ទជាមួយ អ្នកវិភាគកាលពីថ្ងៃពុធ ប្រធានផ្នែកហិរញ្ញវត្ថុរបស់ Meta បាននិយាយថា ក្រុមហ៊ុនប្រឈមមុខនឹងការខាតបង់ ១0 ពាន់លានដុល្លារពីការផ្លាស់ប្តូររបស់ក្រុមហ៊ុន Apple ឆ្នាំ ២0២២។ អ្នកវិភាគនៅ MoffettNathanson នៅក្នុងកំណត់ត្រាមួយទៅកាន់អតិថិជន បានហៅការប៉ាន់ស្មានថា គួរឲ្យភ្ញាក់ផ្អើល៕
ដោយ៖ លី ភីលីព
