ដាណឺម៉ាក៖ ការសិក្សាមួយបានព្រមានថា ផ្ទាំងទឹកកករបស់ Greenland បានបាត់បង់ផ្ទាំងទឹកកកដ៏ច្រើនសន្ធឹកសន្ធាប់ដល់ទៅ ៤.៧០០ ជីហ្គាតោនក្នុងរយៈពេល២ទសវត្សរ៍ចុងក្រោយនេះ ដោយការសិក្សាមួយបានព្រមានពីការទឹកជំនន់នៅអាមេរិកក្រោមទឹក ១,៥ ហ្វីតនេះបើយោងតាមការចេញផ្សាយពីគេហទំព័រឌៀលីម៉ែល។
ការរកឃើញនេះបានមកពីការវិភាគរបស់ដាណឺម៉ាកនៃទិន្នន័យពីផ្កាយរណប Gravity Recovery And Climate Experiment (GRACE) ដែលប្រមូលបានពីខែមេសា ឆ្នាំ ២00២ ដល់ខែសីហា ឆ្នាំ ២0២១។ អ្នកស្រាវជ្រាវបានពន្យល់ថា ការបាត់បង់ទឹកកកនៅលើមាត្រដ្ឋាននេះ បានរួមចំណែក ១.២ សង់ទីម៉ែត្រដល់ការកើនឡើងកម្រិតទឹកសមុទ្រពិភពលោកចាប់តាំងពីឆ្នាំ ២00២ ។
ការសិក្សានេះធ្វើឡើងតាមរយៈវិទ្យាស្ថានឧតុនិយមដាណឺម៉ាក វិទ្យាស្ថានអវកាសជាតិ និងការស្ទាបស្ទង់ភូមិសាស្ត្រនៃប្រទេសដាណឺម៉ាក និងគេហទំព័រ Polar Portal របស់ Greenland ។ អ្នកស្រាវជ្រាវបានសរសេរនៅលើគេហទំព័ររបស់ពួកគេថា ទិន្នន័យបង្ហាញថា ការបាត់បង់ទឹកកកភាគច្រើនកើតឡើងនៅតាមគែមនៃផ្ទាំងទឹកកក។
ពួកគេបានពន្យល់ថា ការសង្កេតដោយឯករាជ្យក៏បង្ហាញថា ទឹកកកកំពុងស្តើងដែលផ្នែកខាងមុខនៃផ្ទាំងទឹកកកកំពុងដកថយនៅ Fjords និងនៅលើដី ហើយថាមានកម្រិតនៃការរលាយកាន់តែច្រើនពីផ្ទៃទឹកកក។ ទោះជាយ៉ាងណា ផ្កាយរណប GRACE បង្ហាញថា មានការកើនឡើងតិចតួចនៃម៉ាសទឹកកក ហើយការវាស់វែងផ្សេងទៀតបង្ហាញថា នេះគឺដោយសារតែការកើនឡើងតិចតួចនៃទឹកភ្លៀង និងព្រិលធ្លាក់៕ដោយ៖លី ភីលីព
