អង់ការ៉ា៖ ប្រធានាធិបតីតួកគីលោក Recep Tayyip Erdogan និងអគ្គលេខាធិការអង្គការណាតូលោក Jens Stoltenberg បានធ្វើការសន្ទនាតាមទូរស័ព្ទ អំពីការអភិវឌ្ឍន៍ក្នុងតំបន់ ជាពិសេសភាពតានតឹងរវាងរុស្ស៊ី និងអ៊ុយក្រែន។
ការពិភាក្សាតាមទូរស័ព្ទនេះ កើតមានចំពេល ដែលសមាជិកណាតូ មានកិច្ចខិតខំប្រឹងប្រែង សម្រុះសម្រួលរបស់តួកគី ដើម្បីបំបាត់ភាពតានតឹង រវាងអ៊ុយក្រែន និងរុស្ស៊ី។ លោក Erdogan បានប្រាប់ប្រធានអង្គការណាតូ យោងទៅតាមសេចក្តីថ្លែងការណ៍ របស់ប្រធានាធិបតី បានឱ្យដឹងថា ប្រទេសតួកគីធ្វើសកម្មភាពនៅក្នុង “តក្កវិជ្ជានៃការធ្វើឱ្យ ភាពតានតឹងស្ងប់ស្ងាត់” ។
ដោយសង្កត់ធ្ងន់ថា វិបត្តិគួរតែបញ្ចប់ដោយសន្តិវិធី និងការទូត ដោយផ្អែកលើបូរណភាពទឹកដី និងច្បាប់អន្តរជាតិរបស់អ៊ុយក្រែន ក្នុងក្របខ័ណ្ឌនៃកិច្ចព្រមព្រៀងទីក្រុង Minsk ប្រធានាធិបតីតួកគីបានលើកឡើងថា លោកបានប្រាប់សមភាគីរុស្ស៊ី និងអ៊ុយក្រែនក្នុងឱកាសជាច្រើនថា តួកគី ចង់ធ្វើជាម្ចាស់ផ្ទះនៃកិច្ចប្រជុំកំពូល មួយនៅកម្រិតអ្នកដឹកនាំ ឬកិច្ចពិភាក្សានៅកម្រិតបច្ចេកទេស។
ជាមួយគ្នានេះដែថលោក Stoltenberg បានសរសេរ លើបណ្ដាញសង្គម Twitter ថា លោកបានផ្លាស់ប្តូរទស្សនៈ ជាមួយលោក Erdogan ស្តីពី “ការបង្កើតរបស់រុស្ស៊ីក្នុង និងជុំវិញអ៊ុយក្រែន”។
លោកបានលើកឡើងថា “ខ្ញុំបានអរគុណលោក ចំពោះការគាំទ្រយ៉ាងសកម្ម និងការចូលរួមផ្ទាល់ខ្លួនរបស់លោក ដើម្បីស្វែងរកដំណោះស្រាយនយោបាយ ហើយស្វាគមន៍ការគាំទ្រ ជាក់ស្តែងដ៏រឹងមាំរបស់តួកគី ចំពោះអ៊ុយក្រែន” ដោយបន្ថែមថា អង្គការណាតូ នៅតែត្រៀមខ្លួនសម្រាប់ការសន្ទនា ៕
ដោយ ឈូក បូរ៉ា
