វ៉ាស៊ីនតោន៖ រដ្ឋជាច្រើនទៀតរបស់សហរដ្ឋអាមេរិក គ្រោងនឹងបន្ធូរបន្ថយអាណត្តិរបាំងមុខ សម្រាប់សាលារៀន និងកន្លែងសាធារណៈ ក្នុងផ្ទះ ចំពេលមានការធ្លាក់ចុះ នៃការកើនឡើងនៃការឆ្លងមេរោគកូវីដ-១៩ នាពេលថ្មីៗនេះ ដែលជំរុញ ដោយទម្រង់អូមីក្រុង។
មន្ត្រីនៅរដ្ឋ New Jersey, Connecticut, Delaware, California និង Oregon បានប្រកាសថា រដ្ឋរបស់ពួកគេនឹងដកអាណត្តិរបាំងមុខ សម្រាប់សាលារៀន និងកន្លែងសាធារណៈផ្សេងទៀត នៅក្នុងប៉ុន្មានសប្តាហ៍ខាងមុខនេះ។
រដ្ឋកាលីហ្វ័រញ៉ា គ្រោងនឹងបញ្ចប់ អាណត្តិរបាំងមុខជាសកល នៅសប្តាហ៍ក្រោយ ហើយលុបចោលការរឹតបន្តឹងផ្សេងទៀត ក្នុងគោលបំណងទប់ស្កាត់ការរីករាលដាល នៃទម្រង់ឆ្លងថ្មីអូមីក្រុង ដែលអាចឆ្លងបានខ្ពស់។
រដ្ឋ Connecticut នឹងអនុញ្ញាត ឱ្យសិស្សានុសិស្ស និងបុគ្គលិកឈប់ពាក់ម៉ាស់ នៅក្នុងសាលារៀន មិនឱ្យលើសពីថ្ងៃទី២៨ ខែកុម្ភៈ។ រដ្ឋ Delaware នឹងបញ្ចប់អាណត្តិរបាំងមុខ នៅក្នុងសាលារៀនត្រឹមថ្ងៃទី៣១ ខែមីនា។
យោងតាមមូលដ្ឋានទិន្នន័យរបស់ New York Times បានឱ្យដឹងថា អាណត្តិរបាំងមុខ ទូទាំងរដ្ឋសម្រាប់សាលារៀន និងការកំណត់ក្នុងផ្ទះត្រូវបានដាក់ ក្នុងរដ្ឋមួយចំនួនតូចប៉ុណ្ណោះ។
របាយការណ៍របស់កាសែត The New York Times បានឲ្យដឹងថា ផែនការរបស់រដ្ឋទាំងនេះតំណាងឱ្យ “ការត្រឡប់មកវិញដ៏ធំបំផុតមួយ នៃពិធីសារសុខភាពទូទាំងរដ្ឋ” ចាប់តាំងពីជំងឺរាតត្បាតបានចាប់ផ្តើម៕ ដោយ ឈូក បូរ៉ា
