យេរ៉ូសាឡឹម ៖ កងទ័ពអ៊ីស្រាអែល បានឲ្យដឹងថា អ៊ីស្រាអែល បានបើកការវាយប្រហារ តាមអាកាសលើគោលដៅ នានាក្នុងប្រទេសស៊ីរី កាលពីថ្ងៃពុធជាការឆ្លើយតប ទៅនឹងមីស៊ីល ប្រឆាំងយន្តហោះ ដែលបាញ់ចេញពីប្រទេសស៊ីរី ដែលបានផ្ទុះ នៅកណ្តាលអាកាស។
កងទ័ពបានឲ្យដឹង នៅក្នុងសេចក្តីថ្លែងការណ៍មួយថា ស៊ីរ៉ែនត្រូវបានគេឮនៅទីក្រុង Umm al-Fahm ភាគខាងជើងនៃប្រទេសអ៊ីស្រាអែល ក៏ដូចជានៅក្នុងទីក្រុង West Bank ដែលកាន់កាប់ផងដែរ។
មិន មាន របាយការណ៍ ភ្លាមៗ អំពី ការ ស្លាប់ និង របួស នៅក្នុងការវាយប្រហារ របស់ អ៊ីស្រាអែល នោះទេ នេះបើយោងតាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ។
ការដាស់តឿនក្នុងប្រទេសអ៊ីស្រាអែល បានកើតឡើង ខណៈដែលប្រព័ន្ធផ្សព្វផ្សាយ រដ្ឋស៊ីរី SANA បានរាយការណ៍ថា ប្រព័ន្ធការពារដែនអាកាស នៅក្នុងតំបន់ដាម៉ាស់ ត្រូវបានធ្វើឱ្យសកម្ម និងស្ទាក់ចាប់មីស៊ីល អ៊ីស្រាអែល។
ក្នុងរយៈពេលប៉ុន្មានឆ្នាំកន្លងមកនេះ អ៊ីស្រាអែលបានធ្វើការវាយប្រហារ តាមអាកាសជាច្រើនលើគោលដៅ នានាក្នុងប្រទេសស៊ីរី ដោយផ្អែកលើទ្រឹស្តីដែលថា គោលដៅទាំងនោះមានទំនាក់ទំនង ជាមួយក្រុមជីវពលសម្ព័ន្ធមិត្តអ៊ីរ៉ង់ ដូចជាក្រុមហេសបូឡា ប៉ុន្ដែទាំងអ៊ីរ៉ង់ និងស៊ីរីប ដិសេធការចោទប្រកាន់ទាំងនោះ ៕
ដោយ ឈូក បូរ៉ា
