ម៉ូស្គូ ៖ រាល់កង្វល់ផ្នែកសន្តិសុខ របស់ទីក្រុងមូស្គូ ត្រូវតែយកមកពិចារណា សម្រាប់ដំណោះស្រាយ ក្នុងប្រទេសអ៊ុយក្រែន នេះបើតាមការលើកឡើង របស់ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃច័ន្ទ ក្នុងអំឡុងពេលសន្ទនា តាមទូរស័ព្ទជាមួយប្រធានាធិបតី បារាំង លោក អេម៉ានុយអែល ម៉ាក្រុង ។
លោក ពូទីន បានរំលឹកឡើងវិញថា ដំណោះស្រាយមួយនឹងអាចធ្វើ ទៅបានលុះត្រាតែការព្រួយបារម្ភផ្នែកសន្តិសុខ របស់រុស្ស៊ីត្រូវបានយកមកពិចារណា រួមទាំង “អធិបតេយ្យភាពរបស់រុស្ស៊ីលើតំបន់គ្រីមៀ” ក៏ដូចជាការប្តេជ្ញាចិត្ត របស់ប្រទេសក្នុងការដោះស្រាយភារកិច្ច នៃការគ្មានយោធា និងការបំផ្លិចបំផ្លាញរបស់អ៊ុយក្រែន និងបញ្ហានៃស្ថានភាព អព្យាក្រឹតរបស់អ៊ុយក្រែន។
លោក ពូទីន បានលើកឡើងថា រុស្ស៊ីបើកចំហចំពោះការចរចា ជាមួយអ៊ុយក្រែន ហើយបានសម្តែងក្តីសង្ឃឹមថា ពួកគេនឹងនាំទៅរកលទ្ធផល ដែលភាគីទាំងអស់ចង់បាន។
វិមានក្រឹមឡាំងបានឲ្យដឹងថា “ភាគីបារាំង បានបង្ហាញពីទស្សនៈដ៏ល្បីរបស់ខ្លួនលើប្រតិបត្តិការយោធា ពិសេសរបស់រុស្ស៊ី និងបានបង្ហាញពីក្តីសង្ឃឹមសម្រាប់ការដោះស្រាយ ជម្លោះយ៉ាងឆាប់រហ័ស តាមរយៈការសន្ទនា” ។
លោក ពូទីន បានបន្ដថា កងកម្លាំងប្រដាប់អាវុធរបស់រុស្ស៊ី មិនវាយប្រហារទៅលើវត្ថុស៊ីវិលនោះទេ ហើយក៏មិនបង្កការគំរាមកំហែងដល់ជនស៊ីវិលដែរ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកពូទីន បានបន្ថែមថា “អ្នកជាតិនិយមអ៊ុយក្រែន ដែលបានប្រើប្រាស់ប្រជាជនស៊ីវិល របស់ពួកគេជាខែលការពារមនុស្ស” គឺជាការគំរាមកំហែងមួយ នៅក្នុងនោះដែរលោក ម៉ាក្រុង បានស្នើឱ្យរុស្ស៊ីគោរពច្បាប់អន្តរជាតិ និងការពារប្រជាជនស៊ីវិល នៅក្នុងជម្លោះនេះ៕
ប្រែសម្រួល ឈូក បូរ៉ា
