អូស្ត្រាលី ៖ការសិក្សាថ្មីមួយបង្ហាញថា ហ្គេមវីដេអូនិម្មិត ពិតជាអាចមានជីវិតជាមួយនឹងក្លិន ដែលត្រូវបានរចនាឡើង ដើម្បីផ្គូផ្គងសកម្មភាព ព្រោះធុំក្លិនដូចមានអ្វីមួយស្លាប់នៅទីនេះ នេះបើយោងតាមការចេញផ្សាយ ពីគេហទំព័រឌៀលីម៉ែល ។
សម្រាប់ការពិសោធន៍ អ្នកស្ម័គ្រចិត្តបានលេងហ្គេម VR Reality (VR) Resident Evil 7 Biohazard ទាំងមាន និងគ្មានក្លិនដែលបំពេញ បន្ថែមផ្នែកនៃហ្គេម ។ ឈុតឆាកក្នុងហ្គេមភ័យរន្ធត់ នៃការរស់រានមានជីវិត មានផ្ទុកនូវវត្ថុមានក្លិនខ្លាំង ដូចជាអាហាររលួយ ផ្សែង និងក្បាលរលួយ។
អ្នកស្រាវជ្រាវបានរកឃើញថា ការបន្ថែមក្លិនបានបង្កើនអារម្មណ៍ របស់មនុស្សក្នុងការមានវត្តមានស្ថិតនៅ បរិយាកាសហ្គេម ។
ការសិក្សាថ្មីនេះធ្វើឡើង ដោយអ្នកស្រាវជ្រាវនៅទីភ្នាក់ងាររដ្ឋាភិបាល របស់ប្រទេសអូស្ត្រាលី CSIRO និងសាកលវិទ្យាល័យបច្ចេកវិទ្យាស៊ីដនី ។
ពួកគេនិយាយក្នុងការស្រាវជ្រាវ របស់ពួកគេថា កាសស្តាប់ការពិតនិម្មិត (VR) ផ្តល់នូវបទពិសោធន៍ផ្នែកសោតទស្សន៍ ដ៏អស្ចារ្យសម្រាប់អ្នកប្រើប្រាស់ ប៉ុន្តែជាធម្មតាការធ្វេស ប្រហែសនៃការផ្តល់នូវសញ្ញាសរសៃ រឃានវិញ្ញាណអាចផ្តល់ព័ត៌មានបន្ថែម អំពីបរិស្ថានរបស់យើងនៅក្នុងពិភពពិត ។
សរុបមកលទ្ធផលបង្ហាញថា ការបន្ថែមក្លិនទៅក្នុងបរិយាកាស VR មានឥទ្ធិពលយ៉ាងសំខាន់ លើទាំងបទពិសោធន៍ផ្លូវចិត្ត និងសរីរវិទ្យា ដែលបង្ហាញពីការបន្ថែមក្លិន បានធ្វើឲ្យបរិស្ថាន VR ប្រសើរឡើង ៕ ដោយ៖លី ភីលីព
