អាមេរិក ៖ ការសិក្សាថ្មីមួយបានព្រមានថា អូហ្សូនអាចនឹងចុះខ្សោយ នូវយន្តការត្រជាក់ ដ៏សំខាន់បំផុត មួយរបស់ផែនដី និងធ្វើឲ្យភពផែនដី របស់យើងឡើងកម្ដៅខ្លាំង ជាងអ្វីដែលយើងដឹងទៅទៀត នេះបើយោងតាមការចេញ ផ្សាយ ពីគេហទំព័រឌៀលីម៉ែល ។
ក្រុមអ្នកស្រាវជ្រាវ អន្តរជាតិបានរកឃើញការផ្លាស់ប្តូរ កម្រិតអូហ្សូននៅក្នុងស្រទាប់២ នៃបរិយាកាសផែនដី ។
នៅក្នុងបរិវេណបរិយកាស ជាស្រទាប់ទាបបំផុត នៃបរិយាកាសផែនដី ហើយអូហ្សូនបានកើនឡើង ជាដំណឹងអាក្រក់ ព្រោះវាដើរតួជាឧស្ម័នផ្ទះកញ្ចក់ ចាប់យកវិទ្យុសកម្មរលកវែង ហើយដោយហេតុនេះកម្ដៅផែនដី ។
នេះបើយោងតាមក្រុមថា ទន្ទឹមនឹងនេះកម្រិតអូហ្សូន នៅក្នុងបរិយាកាសហ៊ុមព័ទ្ធ ស្រទាប់បន្ទាប់ឡើងពី បរិវេណបរិយកាស បានថយចុះ ដែលជាដំណឹងអាក្រក់ផងដែរ ។ ការផ្លាស់ប្តូរទាំង២នេះ បានធ្វើឲ្យយន្តការត្រជាក់ធម្មជាតិ នៃមហាសមុទ្រ ខាងត្បូងចុះខ្សោយ ហើយជាលទ្ធផល បានរួមចំណែកដល់ការឡើង កម្ដៅផែនដី ។ មហាសមុទ្រខាងត្បូងរួមចំណែក ដល់ចរន្តទឹកសមុទ្រ ដឹកជញ្ជូនកម្ដៅពីអេក្វាទ័រ ទៅកាន់ប៉ូលដែលធ្វើឲ្យ ភពផែនដីត្រជាក់ទាំងមូល ។
អ្នកស្រាវជ្រាវការសិក្សា លោកបណ្ឌិត Michaela Hegglin សាស្ត្រាចារ្យរងនៅសាកលវិទ្យាល័យ Reading បានប្រាប់ MailOnline ថា មហាសមុទ្រស្រូបយកកម្ដៅ លើសពីប្រព័ន្ធរបស់ផែនដី ដើម្បីរក្សាតុល្យភាពកម្ដៅ លើសពីការកើនឡើង នៃសីតុណ្ហភាពពិភពលោក។ នៅពេលផ្ទៃផែនដីឡើង កម្ដៅដោយសារតែការកើនឡើង នៃឧស្ម័នផ្ទះកញ្ចក់ ទឹកនៅក្នុងមហាសមុទ្រ ស្រូបយកថាមពល (កម្ដៅ) និងចែកចាយវាកាន់តែស្មើៗគ្នា នៅទូទាំងភពផែនដី ៕ដោយ៖លី ភីលីព
