ទីជម្រកសង្គ្រោះបន្ទាន់ ដ៏អស្ចារ្យត្រូវបំផុសគំនិតចេញពីខ្លាឃ្មុំប៉ូលការពារសីតុណ្ហភាព ត្រជាក់ខ្លាំង និងប្រើប្រាស់បន្ទះពន្លឺព្រះអាទិត្យ 

អាមេរិក ៖នេះបើយោងតាមការចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា ទីជម្រកសង្គ្រោះបន្ទាន់ថ្មីអាច ធ្វើឲ្យមនុស្សរស់នៅកាន់តែងាយស្រួល នៅពេលសីតុណ្ហភាពធ្លាក់ ដល់ចំណុចសូន្យ សម្រាប់ការពារមនុស្សជាប់គាំង ក្នុងស្ថានភាពត្រជាក់ខ្លាំង និងដើម្បីជួយអ្នកផ្សងព្រេង នាតំបន់ទឹកកកធ្លាក់។
ក្រុមនិស្សិតមកពី Royal Danish Academy បានបង្កើត igloo តាមគំរូសត្វខ្លាឃ្មុំប៉ូលជាមួយនឹងស្បែក Origami ការពារសីតុណ្ហភាពត្រជាក់ខ្លាំង និងប្រើប្រាស់បន្ទះពន្លឺព្រះអាទិត្យក្នុងការបន្ថែមកម្តៅអ្នកនៅខាងក្នុង។ ក្រុមការងារបានពន្យល់ថា ទីជម្រកនេះត្រូវបានបំផុសគំនិតដោយការរស់នៅក្នុងស្រុក សត្វព្រៃ រូងភ្នំ ព្រិល និងផ្ទាំងទឹកកក ដោយសារព្រិលត្រូវបានចាត់ទុកថា ជាសម្ភារៈសំណង់ជាជាងបន្ទុក។
ក្នុងអំឡុងពេលធ្វើតេស្តិ៍នៅអាឡាស្កា អ្នករចនាបានបង្ហាញថា ព្រិលអាចគ្របលើមានកម្រាស់រហូតដល់៤00 មីលីម៉ែត្រ ហើយទីជម្រកសង្គ្រោះបន្ទាន់អាចរក្សាភាពខុសគ្នាជាមធ្យម ៣៦អង្សាសេ រវាងខាងក្នុង និងខាងក្រៅ បើប្រៀបធៀបទៅនឹងតង់រដូវរងាមានភាពខុសគ្នា ១៣អង្សាសេ។ ថ្មីៗនេះ igloo លេចឡើងត្រូវបានផ្តល់រង្វាន់អ្នកឈ្នះប្រចាំឆ្នាំនៅកម្មវិធី Design Educates Awards នៅក្នុងប្រភេទ Product Design ។

ការពិពណ៌នាពីក្រុមការងារដឹកនាំដោយ Henry Glogau និង Samuel Barratt បានពន្យល់ពីការបំផុសគំនិតនៅពីក្រោយការរចនារបស់ពួកគេ។ ការបាត់បង់ជាមួយនឹងការមើលឃើញតិចតួច គ្មានការគ្របដណ្តប់លើទូរស័ព្ទដៃ និងសីតុណ្ហភាពរងសូន្យ និងការថយចុះកម្តៅ គឺជាការគំរាមកំហែងដ៏ធ្ងន់ធ្ងរ ហើយជំនួយអាចមានរយៈពេលរាប់ម៉ោង។
បរិយាកាសត្រជាក់ខ្លាំងគឺជាអរិភាពជាមួយនឹងលក្ខខណ្ឌជាញឹកញាប់មិនអាចទាយទុកជាមុនបាន និងមិនអាចគ្រប់គ្រងបាន។ គម្រោងនេះស្នើឲ្យមានការរចនាកន្លែងស្នាក់នៅជំនួសមើលទៅដើម្បីប្រើប្រាស់លក្ខខណ្ឌធ្ងន់ធ្ងរដល់អត្ថប្រយោជន៍របស់វា ជាជាងការប្រយុទ្ធប្រឆាំងនឹងពួកគេ៕ ដោយ៖លី ភីលីព