អាមេរិក៖បើយោងតាមចេញផ្សាយផ្លូវការរបស់គេហទំព័រ Channel news Asia បានប្រាប់ឲ្យដឹងថាតារាសម្តែងអាមេរិក Cuba Gooding Jr បានសារភាពទោសកំហុសចំពោះបទមជ្ឈិមនៃការប៉ះនារីម្នាក់ដោយបង្ខំនៅក្លិបរាត្រីញូវយ៉កក្នុងឆ្នាំ ២0១៨ ជាផ្នែកនៃកិច្ចព្រមព្រៀងជាមួយព្រះរាជអាជ្ញាដែលទុកជីវិតអ្នកសម្ដែងឈ្នះពានរង្វាន់អូស្ការពីការជាប់ពន្ធនាគារភ្លាមៗ។
មេធាវីស្រុក Manhattan បាននិយាយក្នុងសេចក្តីថ្លែងការណ៍មួយថា ការសារភាពកំហុស ក្នុងនោះលោក Gooding ក៏បានសារភាពនៅក្នុងតុលាការផងដែរចំពោះការដាក់ស្ត្រី២នាក់ផ្សេងទៀតឲ្យទំនាក់ទំនងរាងកាយមិនយល់ព្រមកាលឆ្នាំ ២0១៨ និង២0១៩ បានកើតឡើងរយៈពេល៣ឆ្នាំបន្ទាប់ពីលោកត្រូវបានចាប់ខ្លួន។
នេះបើយោងតាមកិច្ចព្រមព្រៀងប្តឹងថា លោក Gooding អាយុ ៥៤ឆ្នាំបន្តទទួលការប្រឹក្សាពីតុលាការរយៈពេល៦ខែ លោកអាចដកពាក្យបណ្ដឹងពីបទមជ្ឈិម ហើយសារភាពថាមានពិរុទ្ធចំពោះការរំលោភបំពានតិចជាងការយាយី។ ការិយាល័យមេធាវីស្រុក Manhattan បាននិយាយថា ប្រសិនបើលោកមិនអនុវត្តតាម លោកអាចប្រឈមមុខនឹងការជាប់គុករហូតដល់មួយឆ្នាំ។
តារាសម្តែងរូបនេះត្រូវបានចោទប្រកាន់របស់តុលាការកំពូលនៃរដ្ឋញូវយ៉កពីបទរំលោភលើស្ត្រី៣នាក់ផ្សេងគ្នានៅកន្លែងផ្សេងៗនៅ Manhattan កាល២0១៨ និង ២0១៩។ អ្នកនាំពាក្យសាលាស្រុកបាននិយាយនៅក្នុងសេចក្តីថ្លែងការណ៍តាមអ៊ីម៉ែលថា គាត់បានសារភាពទោសកំហុសចំពោះការចោទប្រកាន់ដ៏ធ្ងន់ធ្ងរបំផុតដែលចោទប្រកាន់គាត់ពីបទថើបស្ត្រីម្នាក់ដោយបង្ខំនៅក្លិបរាត្រីមួយកាលខែកញ្ញា ឆ្នាំ២0១៨ ។
កាសែត New York Times បានដកស្រង់សម្តីលោក Gooding បាននិយាយនៅក្នុងតុលាការថា ខ្ញុំសុំទោសដែលធ្លាប់ធ្វើឲ្យនរណាម្នាក់មានអារម្មណ៍មិនសមរម្យ។ ហើយតំណាងតារាសម្ដែងរូបនេះមិនអាចទាក់ទងបានភ្លាមៗទេ៕ដោយ៖លី ភីលីព
