រ៉ង់ហ្គូន៖ យោងតាមក្រុមព័ត៌មានរបស់ក្រុមប្រឹក្សារដ្ឋបាលរដ្ឋ (SAC) បានឱ្យដឹងថា លោកស្រី អ៊ុងសាន ស៊ូជី ត្រូវបានកាត់ទោសឱ្យជាប់ពន្ធនាគាររយៈពេល ៥ឆ្នាំបន្ថែមទៀតនៅថ្ងៃពុធនេះ បន្ទាប់ពីត្រូវបានរកឃើញថា មានពិរុទ្ធពីបទពុករលួយ។
ប្រធានក្រុមព័ត៌មានលោក Zaw Min Tun បានប្រាប់ស៊ីនហួថា លោកស្រីត្រូវបានកាត់ទោសពីបទទទួលយកដុំមាស និងការទូទាត់សាច់ប្រាក់ពីអតីតរដ្ឋមន្ត្រីតំបន់យ៉ាំងហ្គោនលោក Phyo Min Thein។
សំណុំរឿងប្រឆាំងលោកស្រី អ៊ុងសាន ស៊ូជី តាមមាត្រា ៥៥ នៃច្បាប់ប្រឆាំងអំពើពុករលួយត្រូវបានកាត់ទោសដោយមន្ត្រីគណៈកម្មការប្រឆាំងអំពើពុករលួយ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកស្រី អ៊ុងសាន ស៊ូជី ត្រូវបានកាត់ទោសឱ្យជាប់ពន្ធនាគាររយៈពេល ៦ឆ្នាំរួចមកហើយនៅក្នុងករណីផ្សេងទៀតនៅក្នុងសាលក្រមពីរដាច់ដោយឡែកពីគ្នា រួមទាំងការនាំចូលដោយខុសច្បាប់ និងកាន់កាប់ឧបករណ៍ walkie-talkies ការរំលោភលើការរឹតបន្តឹងនៃមេរោគឆ្លង និងការបះបោរ៕ប្រែសម្រួល ឈូក បូរ៉ា
