ញូវយ៉ក៖ យោងតាមការចេញផ្សាយ ពីគេហទំព័រជប៉ុនធូដេបានប្រាប់ឲ្យដឹងថា ក្រុមហ៊ុនបច្ចេកវិទ្យាយក្សអាមេរិក Google បានពង្រីកជម្រើសសម្រាប់ការ រក្សាព័ត៌មានផ្ទាល់ខ្លួនជាឯកជនពីការស្វែងរក តាមប្រព័ន្ធអ៊ីនធើណេត។
ក្រុមហ៊ុនបាននិយាយថា ខ្លួននឹងអនុញ្ញាតឲ្យមនុស្សស្នើសុំប្រភេទមាតិកាជាច្រើនទៀត ដូចជាព័ត៌មានទំនាក់ទំនងផ្ទាល់ខ្លួន ដូចជាលេខទូរស័ព្ទ អ៊ីម៉ែល និងអាសយដ្ឋានរូបវន្តត្រូវបានដកចេញពីលទ្ធផលស្វែងរក។ គោលការណ៍ថ្មីនេះក៏ធ្វើឲ្យដកចេញនូវព័ត៌មានផ្សេងទៀត អាចបង្កហានិភ័យដល់ការលួចអត្តសញ្ញាណ ដូចជាព័ត៌មានសម្ងាត់ នៃការចូលជាសម្ងាត់ជាដើម។
ក្រុមហ៊ុនបាននិយាយ នៅក្នុងសេចក្តីថ្លែងការណ៍មួយថា ការបើកចំហរនៃការទទួលបានព័ត៌មាន គឺមានសារសំខាន់ ប៉ុន្តែដូច្នេះគឺជាការផ្តល់អំណាចដល់មនុស្ស ជាមួយនឹងឧបករណ៍ដោយពួកគេត្រូវការដើម្បីការពារខ្លួន រក្សាព័ត៌មានរសើប និងអាចកំណត់អត្តសញ្ញាណរបស់ពួកគេជាឯកជន។
ភាពឯកជន និងសុវត្ថិភាពអនឡាញដើរទន្ទឹមគ្នា ហើយនៅពេលអ្នកកំពុងប្រើប្រាស់អ៊ីនធើណេត វាជារឿងសំខាន់ក្នុងការគ្រប់គ្រងលើរបៀបដែលព័ត៌មានរសើប ដែលអាចកំណត់អត្តសញ្ញាណផ្ទាល់ខ្លួន របស់អ្នកអាចត្រូវបានរកឃើញ។ Google Search ពីមុនបានធ្វើឲ្យមនុស្សស្នើសុំ ឲ្យលុបខ្លឹមសារផ្ទាល់ខ្លួនខ្ពស់អាចបង្កគ្រោះថ្នាក់ដោយផ្ទាល់។ នោះរាប់បញ្ចូលទាំងព័ត៌មានត្រូវបានដកចេញដោយសារតែការ doxxing និងព័ត៌មានលម្អិតផ្ទាល់ខ្លួនដូចជាគណនីធនាគារ ឬលេខកាតឥណទានអាចត្រូវបានប្រើសម្រាប់ការក្លែងបន្លំ។
ក្រុមហ៊ុនបានបន្តថា ប៉ុន្តែព័ត៌មានដែលកើនឡើងលេចឡើងនៅកន្លែងដែលមិននឹកស្មានដល់ ហើយត្រូវបានប្រើប្រាស់ក្នុងវិធីថ្មី ដូច្នេះគោលការណ៍ត្រូវតែវិវឌ្ឍ។ ការមានព័ត៌មានទំនាក់ទំនងផ្ទាល់ខ្លួនបើកចំហរនៅលើអ៊ីនធើណេត ក៏អាចបង្កការគំរាមកំហែង ហើយ Google បាននិយាយថា ខ្លួនបានទទួលសំណើសម្រាប់ជម្រើស ក្នុងការលុបមាតិកានោះផងដែរ៕
ដោយ៖លី ភីលីព
