ទីក្រុង Lviv ៖នេះបើយោងតាមការចេញផ្សាយ ពីគេហទំព័រឌៀលីម៉ែលបានប្រាប់ឲ្យដឹងថា តារាសម្ដែងអាមេរិក នាង Angelina Jolie ធ្វើទស្សនកិច្ចនៅប្រទេសអ៊ុយក្រែន ហើយតារាភាពយន្តត្រូវបានគេប្រទះឃើញនៅទីក្រុង Lviv ភាគខាងលិច ហើយស្វាគមន៍អ្នកគាំទ្រក្នុងហាងកាហ្វេ ខណៈរុស្ស៊ីបន្តការវាយប្រហាររបស់ខ្លួននៅភាគខាងកើត។
នាង Jolie វ័យ ៤៦ ឆ្នាំបានទាក់ទាញការចាប់អារម្មណ៍ នៅពេលនាងបង្ហាញខ្លួនស្លៀកសម្លៀកបំពាក់ សមរម្យនៅហាងកាហ្វេដោយ Maya Pidhorodetska បានបង្ហោះវីដេអូរបស់តារាសម្តែង និងផលិតករភាពយន្តដ៏ល្បីល្បាញនៅលើ Facebook ។ នាងបានសរសេរជាភាសាអ៊ុយក្រែន បន្ទាប់ពីថតរឿង តារាស្រីរូបនេះបានគ្រវីដៃឲ្យនាងពីបញ្ជរថា មិនមានអ្វីពិសេស គ្រាន់តែ Lviv ខ្ញុំទើបតែទៅញ៉ាំកាហ្វេ។ គ្រាន់តែ Angelina Jolie ប៉ុណ្ណោះ អ៊ុយក្រែនត្រូវបានគាំទ្រ ដោយពិភពលោកទាំងមូល។
អ្នកគាំទ្របានប្រទះឃើញនាង នៅក្នុងទីក្រុងអ៊ុយក្រែនដោយស្វាគមន៍នាង Jolie នៅពេល កងកម្លាំងរុស្ស៊ីបានប្រមូលផ្តុំគ្នានៅភាគខាងកើតនៃប្រទេស សម្រាប់ការវាយប្រហារជាថ្មី៕
