បរទេស៖ បុរសជនជាតិអាមេរិកម្នាក់ ដែលបានស្លាប់ពីរខែ បន្ទាប់ពីបានទទួលការវះកាត់ប្តូរ ដាក់បេះដូងជ្រូក ទំនងជាស្លាប់ដោយសារ មេរោគជ្រូក ដែលបេះដូង ដែលបានប្តូរនោះបានឆ្លងវីរុស។ នេះបើតាមអ្វីដែលវេជ្ជបណ្ឌិត របស់គាត់បានបង្ហាញកាលពីថ្ងៃពុធ។
យោងតាមសារព័ត៌មាន RT ចេញផ្សាយនៅថ្ងៃទី៥ ខែឧសភា ឆ្នាំ២០២២ បានឱ្យដឹងថា អ្នកជំងឺជំងឺបេះដូងដំណាក់កាលចុងក្រោយ គឺលោក David Bennett Sr. បានស្លាប់ក្នុងខែមីនា ដែលមានរយៈពេលពីរខែ បន្ទាប់ពីទទួលការវះកាត់ប្តូរសរីរាង្គ ដាក់បេះដូងជ្រូក នៅសាកលវិទ្យាល័យ Maryland Medical Center ក្នុងទីក្រុង Baltimore។
ខណៈពេលដែលគាត់ហាក់ដូចជាបានឆ្លើយតបយ៉ាងល្អចំពោះនីតិវិធី ជាដំបូង ការជាសះស្បើយរបស់គាត់មិនបានស្ថិតស្ថេរនោះទេ ហើយអ្នកនាំពាក្យរបស់មន្ទីរពេទ្យជាទីដែលគាត់បានស្លាប់ បាននិយាយថា “មិនមានមូលហេតុច្បាស់លាស់” ចំពោះការស្លាប់នេះទេ។
ទោះជាយ៉ាងណាក៏ដោយ លោកវេជ្ជបណ្ឌិត Bartley Griffith ដែលធ្វើការប្តូរសរីរាង្គរបស់លោក Bennett ឥឡូវនេះជឿជាក់ថា ការស្លាប់របស់អ្នកជំងឺ David Bennett Sr គឺបណ្តាលមកពីមេរោគ porcine cytomegalovirus ដែលជាការឆ្លងដែលអាចការពារបាន ហើយដែលមិនត្រូវបានគេជឿថា មេរោគនេះអាចឆ្លងដល់មនុស្ស។
ខណៈពេលដែលជ្រូកដែលផ្គត់ផ្គង់ដោយក្រុមហ៊ុនជីវបច្ចេកវិទ្យា Revivicor ត្រូវបានគេសន្មត់ថា មិនមានមេរោគទាំងអស់នោះ វេជ្ជបណ្ឌិត Griffith បានប្រាប់ MIT Technology Review ថា គ្រូពេទ្យបានកត់សម្គាល់ឃើញ “រយៈពេលខ្លីនៃចលនាមិនទៅមុខ” ដែលណែនាំពីវត្តមាន នៃមេរោគនេះ២០ថ្ងៃ បន្ទាប់ពីនីតិវិធីវះកាត់ ហើយក្រុមគ្រូពេទ្យជឿថា ជ្រូកម្ចាស់បេះដូង ត្រូវបានឆ្លងមេរោគ៕
ប្រែសម្រួលៈ ណៃ តុលា
