អង់គ្លេស៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា នៅទសវត្សរ៍ឆ្នាំ ១៩៨០ និងឆ្នាំ១៩៩០ទឹកកក នៅលើឧបទ្វីបអង់តាក់ទិក ភាគខាងកើត បានស្ថិតក្នុងការដកថយ ហើយនឹងធ្វើការផ្លាស់ប្តូរលំនាំខ្យល់ហាក់ ដូចជាបានរំខានដល់និន្នាការនោះ។
ការសិក្សាមួយបានបង្ហាញថា ផ្ទាំងទឹកកកមួយចំនួននៅអង់តាក់ទិក បានរីកធំឡើងក្នុងរយៈពេល២ទសវត្សរ៍ចុងក្រោយនេះ ទោះបីជាសកម្មភាពរបស់មនុស្ស ធ្វើឲ្យភពផែនដីមានកម្ដៅក៏ដោយ។ ទឹកកក បានបង្កើតឡើង នៅលើសមុទ្រត្រូវបានផ្លុំចូលទៅក្នុងធ្នើ ផ្ទាំងទឹកកកក្រាស់អណ្តែតទឹកបង្កើតបានជាផ្ទាំងទឹកកក ឬទឹកកកហូរចុះតាមឆ្នេរសមុទ្រ ដោយការផ្លាស់ប្តូរលំនាំខ្យល់ក្នុងតំបន់។
ក្រុមអ្នកស្រាវជ្រាវជឿថា និន្នាការនេះប្រហែលជាបានជួយរារាំងផ្ទាំង ទឹកកកពីការបង្ហូរទឹកកកចូលទៅក្នុងមហាសមុទ្រដែលក្តៅ។ ធ្នើដាក់ទឹកកកជួយការពារទឹកកក ពីក្នុងទឹកមិនឲ្យបញ្ចេញទៅក្នុងមហាសមុទ្រ រុញច្រានកម្រិតទឹកសមុទ្រ។ នៅទសវត្សរ៍ឆ្នាំ ១៩៨០ និងឆ្នាំ ១៩៩០ ទឹកកកនៅឧបទ្វីបអង់តាក់ទិកភាគខាងកើតបានធ្លាក់ចុះយ៉ាងខ្លាំង ជាមួយនឹងការដួលរលំនៃផ្ទាំងទឹកកក Larsen A និង B កាលឆ្នាំ ១៩៩៥ និង ២០០២ រៀងគ្នា។
ពួកគេបាននិយាយថា។ប៉ុន្តែនៅចន្លោះឆ្នាំ ២០០៣ និងឆ្នាំ ២០១៩ ៨៥ភាគរយ នៃធ្នើទឹកកកប្រវែង ៨៧០ម៉ាយបានដំណើរការទៅមុខ ដោយមិនមានការរំខាន។ អ្នកវិទ្យាសាស្ត្រមកពីសាកលវិទ្យាល័យ Cambridge និង Newcastle របស់ចក្រភពអង់គ្លេស និងសាកលវិទ្យាល័យ Canterbury នៃប្រទេសនូវែលសេឡង់បាននិយាយថា ការសង្កេតរបស់ពួកគេបង្ហាញពីភាពស្មុគស្មាញ និងសារសំខាន់ត្រូវបានគេមើលរំលងជាញឹកញាប់នៃការប្រែប្រួលនៃទឹកកកសមុទ្រ ចំពោះសុខភាពនៃផ្ទាំងទឹកកកអង់តាក់ទិក៕ ដោយ៖លី ភីលីព
