អាមេរិក៖ស្ត្រីលំដាប់កំពូលបំផុត របស់ក្រុមហ៊ុនអវកាស SpaceX បាននិយាយថា ដោយផ្ទាល់ខ្លួន ខ្ញុំជឿថា ការចោទប្រកាន់នេះមិនពិត មិនមែនដោយសារតែខ្ញុំធ្វើការឲ្យលោក Elon នោះទេ ប៉ុន្តែដោយសារតែខ្ញុំ បានធ្វើការយ៉ាងជិតស្និទ្ធ ជាមួយលោកអស់រយៈពេល ២០ ឆ្នាំ ហើយមិនដែលឃើញ ឬឮអ្វីទាំងអស់ ដែលស្រដៀងនឹងការចោទប្រកាន់ទាំងនេះ។
ប្រធានក្រុមហ៊ុន SpaceX លោកស្រី Gwynne Shotwell បានការពារប្រធានរបស់នាង លោក Elon Musk ប្រឆាំងនឹងការចោទប្រកាន់ពីការបៀតបៀនផ្លូវភេទ ដោយរាយការណ៍ប្រាប់បុគ្គលិកថា នាងមិនជឿថាពួកគេជាការពិតនោះទេ។
នេះបើយោងតាមគេហទំព័រព័ត៌មាន CNBC និង The Verge នាងបានការពារមហាសេដ្ឋីថា លោកស្រី Shotwell ជាស្ត្រីលំដាប់កំពូលបំផុតក្នុងក្រុមហ៊ុនបានផ្ញើអ៊ីម៉ែលទៅបុគ្គលិក SpaceX ទាំងអស់ដែលមានចំណងជើងថា “ព័ត៌មានថ្មីៗ”។
លោកស្រីបានសរសេរថា អ្នកណាដែលស្គាល់លោក Elon ដូចខ្ញុំ ដឹងថា លោកនឹងមិនប្រព្រឹត្ត ឬអត់ទោសចំពោះទង្វើមិនសមរម្យដែលត្រូវបានចោទប្រកាន់នេះទេ។ លោកស្រី Shotwell ជាប្រធានប្រតិបត្តិការរបស់ SpaceX នោះបានសង្កត់ធ្ងន់ថា រាល់ការចោទប្រកាន់អំពីការយាយីត្រូវយកចិត្តទុកដាក់យ៉ាងខ្លាំង ដោយមិនគិតពីអ្នកពាក់ព័ន្ធ។ សម្រាប់ហេតុផលឯកជនភាព ខ្ញុំនឹងមិនធ្វើអត្ថាធិប្បាយលើបញ្ហាផ្លូវច្បាប់ណាមួយ ដែលពាក់ព័ន្ធនឹងបញ្ហាការងារនោះទេ។
មហាសេដ្ឋីរូបនេះបានបដិសេធការអះអាងដែលលោកបានបៀតបៀនផ្លូវភេទលើអ្នកបម្រើការលើយន្តហោះនៅលើយន្តហោះឯកជនរបស់លោកកាលឆ្នាំ ២០១៦ ដោយ Tweeting ការអះអាងនេះត្រូវបានធ្វើឡើងដោយ “អ្នកកុហក” ហើយថាវា “មិនពិតទាំងស្រុង” ។ វាកើតឡើងនៅពេល លោក Musk បានសម្តែងការគាំទ្រសម្រាប់ការទទួលបានការបញ្ចុះតម្លៃលើការដេញថ្លៃ Twitter របស់លោកស្មើនឹងភាគរយនៃអ្នកប្រើប្រាស់ជា Spambots ៕ ដោយ៖លី ភីលីព
