អង់គ្លេស ៖ យោងតាមលោក Tevva បានឲ្យដឹងថា រថយន្តដឹកទំនិញទម្ងន់ ៧.៥ តោនអាចបើកបរ បានជាង ៤៨០គីឡូម៉ែត្រ ចំណែករថយន្តដឹកប្រេងម៉ាស៊ូត នឹងត្រូវបានហាមឃាត់ នៅចក្រភពអង់គ្លេស នៅឆ្នាំ ២០៤០ ហើយរដ្ឋមន្ត្រីដឹកជញ្ជូន បាននិយាយថា រថយន្តដឹកទំនិញអ៊ីដ្រូសែនមានសារសំខាន់ណាស់ យោងតាមការចេញផ្សាយ ពីគេហទំព័រស្គាយញ៉ូវ ។
រថយន្តដឹកទំនិញប្រើអ៊ីដ្រូសែន និងអគ្គិសនីនឹងត្រូវបានផលិត នៅចក្រភពអង់គ្លេស ដោយក្រុមហ៊ុនមានមូលដ្ឋាននៅ Essex។ Tevva មានមូលដ្ឋាននៅទីក្រុង Thurrock បានបន្ថែមប្រព័ន្ធ កោសិកាឥន្ធនៈអ៊ីដ្រូសែន ទៅនឹងការរចនា HGV ថាមពលថ្មរបស់វា ដោយយោងទៅតាមការ ចាប់ផ្តើមរថយន្តដឹកទំនិញ ៧.៥ តោនអាចបើកបរ បានចម្ងាយរហូតដល់ ៥00 គីឡូម៉ែត្រ ។
ស្ថាបនិក និងជានាយកប្រតិបត្តិ លោក Asher Bennett បាននិយាយថា នៅពេលរថយន្តដឹកទំនិញគ្មានការបំភាយឧស្ម័ន ធ្វើបានច្រើនម៉ាយក្នុងមួយថ្ងៃ នោះពិតជាល្អណាស់ សម្រាប់ខ្យល់ដែលយើងដកដង្ហើម សម្រាប់ភពផែនដី និងសម្រាប់សេដ្ឋកិច្ចនៃរថយន្តដឹកទំនិញអគ្គិសនី។ រាល់ម៉ាយអ្នកបើកបរ លើឡានអគ្គីសនី វាមានតម្លៃថោកជាង ការបើកបរលើឡាន ម៉ាស៊ូតទៅទៀត ។
ប្រសិនបើអ្នកបារម្ភពីចម្ងាយ ហើយអ្នកមិនបានបើកបរ ច្រើនម៉ាយទេ អ្នកគ្រាន់តែសន្សំលុយមិនគ្រប់គ្រាន់ តាមដែលអ្នកអាចធ្វើបាន។ អ៊ីដ្រូសែនមានតម្លៃថ្លៃជាង និងពិបាកទទួលបានជាង អគ្គិសនី ហើយលោក Bennett បាននិយាយថា ឥន្ធនៈសំខាន់របស់ឡាន ដឹកទំនិញថ្មីនឹងបន្តជាអាគុយ ដែលដើរដោយថាមពលអគ្គិសនី ត្រូវបញ្ចូលថ្មពេញមួយយប់ ៕ដោយ៖លី ភីលីព
