ឡុងដ៍ ៖ ទូរទស្សន៍សិង្ហបុរី Channel News Asia បានផ្សព្វផ្សាយ នៅថ្ងៃទី៦ ខែកក្កដា ឆ្នាំ២០២២ថា កាលពីថ្ងៃអង្គារ លោកនាយករដ្ឋមន្ត្រីអង់គ្លេស Boris Johnson កំពុងតស៊ូមតិ ដើម្បីភាពរស់រានមានជីវិត នយោបាយ របស់គាត់ បន្ទាប់ពីរដ្ឋមន្ត្រី ហិរញ្ញវត្ថុ Rishi Sunak និងរដ្ឋមន្ត្រីជាន់ខ្ពស់ម្នាក់ទៀត បានលាលែងពីតំណែងភ្លាមៗ ជុំវិញរឿងអាស្រូវចុងក្រោយ ដែលធ្វើឲ្យប៉ះពាល់ដល់រដ្ឋបាលរបស់គាត់ ។
លោក Sunak និងរដ្ឋមន្ត្រីក្រសួងសុខាភិបាល លោក Sajid Javid បានផ្ញើលិខិតសុំលាលែងពីមុខតំណែង ទៅកាន់លោក Johnson ក្នុងរយៈពេលប៉ុន្មាន នាទីប៉ុណ្ណោះពីគ្នាទៅវិញទៅមក ដែលក្នុងនោះអ្នកទាំង២ បានផ្តោតលើសមត្ថភាព របស់គាត់ក្នុងការគ្រប់គ្រង រដ្ឋបាលដែលប្រកាន់ខ្ជាប់នូវស្តង់ដារ ។
ដោយបង្ហាញពីចេតនា របស់គាត់ក្នុងការរក្សាអំណាច ឱ្យបានយូរតាម ដែលអាចធ្វើទៅបានលោក Johnson បានតែងតាំងអតីតអ្នកជំនួញ និងជារដ្ឋមន្ត្រីអប់រំ បច្ចុប្បន្ន លោក Nadhim Zahawi ជារដ្ឋមន្ត្រីហិរញ្ញវត្ថុថ្មី របស់គាត់។ លោក Steve Barclay ដែលត្រូវបានតែងតាំង ឱ្យដាក់វិន័យក្នុងការគ្រប់គ្រង របស់លោក Johnson ក្នុងខែកុម្ភៈ ត្រូវបានផ្លាស់ប្តូរទៅកាន់ផ្នែកសុខភាពវិញ ។
គួរបញ្ជាក់ថា ការលាលែងពីមុខតំណែងនេះ បានកើតឡើង នៅគ្រាដែល Johnson កំពុងសុំទោស ចំពោះការតែងតាំងសមាជិកសភា ឱ្យដើរតួដែលពាក់ព័ន្ធនឹងការ ផ្តល់ការរក្សាគណបក្ស របស់គាត់ សូម្បីតែបន្ទាប់ពីត្រូវបានបរិយាយ ដោយសង្ខេបថា អ្នកនយោបាយគឺជាប្រធានបទ នៃការត្អូញត្អែរអំពីការប្រព្រឹត្តខុស ផ្លូវភេទក៏ដោយ ។
រហូតមកដល់ពេលនេះ ពួកគេគឺជារដ្ឋមន្ត្រីតែ២នាក់ គត់នៅក្នុងក្រុមខុទ្ទកាល័យកំពូល របស់នាយករដ្ឋមន្ត្រី ដែលបានលាលែងពីមុខតំណែង ដោយមានឥស្សរជនជាន់ខ្ពស់ផ្សេងទៀតបានសម្តែងការគាំទ្រចំពោះលោក Johnson ។ រដ្ឋមន្ត្រីការបរទេស Liz Truss ដែលត្រូវបានគេចាត់ទុកថា ជាគូប្រជែងឈានមុខគេ ដើម្បីជំនួសមុខតំណែង គាត់បានលើកឡើងថា នាង “១០០ភាគរយនៅពីក្រោយ នាយករដ្ឋមន្រ្តី” ៕ប្រែសម្រួលដោយ៖ ម៉ៅ បុប្ផាមករា
